Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ule Pilemon, utatku inta nobaliídon yobayat topogaidan nami! Aku'oi ki Paulus, intau inta pinonjara lantaran nopirisaya ko'i Kristus Yesus, noyotakin i utat naton ki Timotius, nomais kon surat tana'a ko'inimu
2 bo kon jama'at inta noyosipun kom baḷoimu; bo ko'i utat doman naton bobay ki Appia bo yobayat toporjuangan naton, ki Arkhipus.
3 Kami umuran mosambayang simbaí ki Allah, ki Amaí naton bo ki Tuhan Yesus mobogoi im barakat bo kobiagan motompia ko'inimu.
4 Pomuḷoi in aku'oi mosambayang umuranku kotangoian in ikow, bo poḷat mopoyaput sukur ko'i Allah.
5 Sin dinongogkudon kon ikow in intaubií inta totu-totu'u mopirisaya ko'i Tuhan Yesus bo motabi doman kon umat i Allah.
6 Igumon makow doaí, simbaí pinonobatuían naton saḷaku intau mita inta mopirisaya, mobogoidon im pongortian inta moḷoben kom bayongan barakat inta no'ulií naton sin notobatuídon takin i Kristus.
7 Ule Pilemon utatku, tabimu kom bayongan umat i Allah, nokosanangdon totok kong ginaku bo nokodugang domandon kon ropot im pirisayaku! Bayongan gina in umat i Allah pinosanangmudon.
8 Manangka intua, saḷaku intau inta tumpaḷa mopirisaya ko'i Tuhan Yesus daí sabanarnya oyuíonbií in hakku mokiaid ko'i Utat in onukadon inta musti aidan i utat.
9 Tongaí lantaran aku'oi motabi ko'i Utat, daí tongaíbií aku'oi mopo'igum ko'inimu. Aku'oi na'a ing guyanga bo apa doman tana'a aku'oi pinonjara lantaran nogaid kon oaíidan i Kristus Yesus.
10 Tuamai, aku'oi ki Paulus mopo'igum ko'inimu soaáḷ ki Onesimus, inta ain nobalií ki adiíku sin sia ain nopirisaya ko'i Kristus, ko wakutu in aku'oi kom bonupa im ponjara bo aku'oi in nobaliídon guyanganya kom bonu im pirisaya ko'i Tuhan.
11 Totu'ubií kong kolipod sia na'a diaíbií baraguna ko'inimu, ta'e tana'a im mobaraguna bidon in sia ko'inimu, bo de'emanbií tongaí ko'inimu, ta'e baragunabií domandon ko'inakoí.
12 Bo tana'a intau inta kino-tabiku tua pinotabaíkudon bui mamangoi ko'inimu.
13 Sabanarnya ibogonku ing kon na'apabií in sia saḷaku toliumu sim mobantung ko'inakoí solama in aku'oi kom bonupa im ponjara sin nopota'au in Habar Mopia nongkon i Allah.
14 Ta'e doiíbií in aku'oi momia natua aka diaípa muna moyosingogmu. Simbaí onu inta mopia pomia'anmu, de'emanbií lantaran pinakisaku, ta'e inaidanmubií intua takin nosanang ing gina.
15 Sin degaí bo tuabií im mangale ki Onesimus pinoyayukpa notoyong ko'inimu simbaí sia tarima'anmudon solamanya.
16 Bo tana'a, sia de'eman bidon tongaí tobatuí ata ko'i utat; ta'e no'iliu bidon kon tua. Sia in tumpaḷa bidon intau ing Keresten inta kotabi naton. Sia baragunadon ko'i naton apalagi ko'inimu! Tantuí sia im baraguna bidon totok ko'inimu, pinomayak saḷaku ata ande saḷaku utat kom bonu in tabi i Tuhan!
17 Tuamai, lantaran aku'oi inanggapdon i Utat saḷaku tumpaḷa Keresten, daí tarimadon bui ing ki Onesimus naí pinototarima i Utat ko'inakoí.
18 Aka sia bo noporugimaidon ko'inimu andeka koboli ko'inimu, yo bain aku'oi im motanggung kon tua komintan.
19 Yo tana'a aku'oi momaisdon tontanií kon tana'a: Aku'oi, ki Paulus, moguboli kom bayongan bolinya. (Tantu diaí bidon paraḷuku ponorop bui ko'i Utat, kon ikow tontanií ing kobolibií doman ko'inakoí, bolimu tua ing kobiagan mobagu saḷaku intau Keresten.)
20 Manangka intua, podoyon kon tangoi i Tuhan tuḷungaipa in aku'oi, posanangpa ing ginaku saḷaku Utat inta tumpaḷa notobatuí i Kristus.
21 Surat tana'a pinaisku, sim moyakinbií in aku'oi kon mo'ibogbií ikow mogaid kon onu inta pino'igumku tana'a. Bo mo'iliubií kon tua in aidanmu.
22 Aku'oi mopo'igum doman ko'inimu, tuḷungaipa posadia'ai aku'oi kong kamar kom baḷoimu sin haraponku makow kon indongoganbií i Allah onu im pino'igum i utat mita kombaí aku'oi buipa mamangoi ko'i monimu.
23 Ki Epapras inta noyotakinku kom bonu im ponjara lantaran nogaid doman kon oaíidan inta pinoki aid i Kristus, nokipoyaput doman in salam ko'inimu.
24 Bo tarimadon doman salam nongkon yobayat mita topogaidanku, ki Markus, ki Aristarkus, ki Demas bo ki Lukas.
25 Po'igumon makow ki Tuhan Yesus Kristus momarakat ko'i monimu. Hormat nami, Paulus
Filemon
Video Filemon 1
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA