Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ 'Esa moi Filemon minisiboso-bosono de pomasida-damanarama positotara 'o Habari ma Owa. Ngoi 'o Paulus 'ibuika sababu tositotara 'o Habari ma Owa ma ngale ma Kristus Yesus. Ngoi de 'o Timotius gee ka 'o ngo-ngaku moi de de ngone, miosidingoto 'o surati ne'ena ngonaka,

² de 'o jamatika gee yomalomu-lomu 'ani woaka. Mita nanga biranga 'o ngo Apfiaka, de 'o Arkhipusika nanga manai gee pomariwo-riwo pomasidamanarama.

³ Ngomi mioga'asoko tanu ma Jo'oungu ma Dutu to ngone nanga Dea de ma Jou Yesus Kristus nikula 'o co-catu de 'o singina 'isa-sanangi.

⁴ Tolahidoa ma noimi 'ani ronga tangose 'Esa moi, de tokasamaowa ma Jo'oungu ma Dutuka.

⁵ Sababu to'isene ngona 'ani ngo-ngaku 'ikuata nanga Jou Yesusika, de nakidora ma Jo'oungu ma Dutu 'awi 'umati 'iodumu.

⁶ Ngoi tolahidoa la 'ani dora gee nosidumu-dumutu 'o nyawa yongaku-ngakuka ge'ena 'idadi 'ifoloiosi 'o nyawa yasahe ma Jo'oungu ma Dutu 'awi singina ma sure la 'asa wisiarene ma Kristus.

⁷ 'Esa moi Filemon, tomorene ma de 'ai singina 'isikuata de 'ani dora ma Jo'oungu ma Dutu 'awi 'umati yoodumika! Ma Jo'oungu ma Dutu 'awi 'umati yoodumu yomorenokau sababu ngona 'Esa moi.

⁸ Ngone ka 'o ngo-ngaku moi ge'ena la pongaku-ngakuokau ma Kristus Yesusika, ge'ena tanu kaidadi tonisuloko ma ngale 'okia naga gee salingou nadiai.

⁹ Duga sababu pomakadora 'Esa moi, so ngoi duga katoga'asoko. Ngoi ne'ena 'o balusu de ma 'orasi ne'ena 'ibuika sababu tositotara 'o habari ma ngale ma Kristus Yesus.

¹⁰ Ngoi 'o Paulus tositotara 'ai ga-ga'asoko 'o ngai moi ngonaka ge'ena la 'o Onesimus, gee matero ka to ngoi 'ai ngowaka ma dutu, sababu 'o buioka ne'ena ngoiou towileleani tositotara 'o habari ma ngale 'o Yesus so wongakuokau.

¹¹ Ma sira 'una 'awi faedaa rekeni koi'iwa ngonaka, ma ne'ena naga de 'awi faedaakau ka ngonakawa duga so 'ena ngoino mita.

¹² Ma 'orasi ne'ena 'una gee posironga towisiboso-bosono gu'una towisulokokau wolioli ngonaka.

¹³ Tanu tomau towitahanukosi ngoioka ma ngale 'ani dagali, la 'una 'idadi woiriwo kokia naga ma do'ingo ngoi 'ibuika ne'ena. Ngoi 'ibuika sababu tosihabari 'o Habari ma Owa ma Jo'oungu ma Dutuno.

¹⁴ Ma ngoi kotodiaiwasi 'o kianikia nako la ngona konosimotekuawasi. Ngoi toduaka 'ifoloi nako ngona nodiai ka de to ngona ma sirete 'ani singina ma mau; ngoi tooluku tonigegoto.

¹⁵ Poilia 'o Onesimus womatingaka ngonaka 'Esa moi ka 'o 'orasi moi, la wonimakenoli ge'ena kaisi'ado-'adonikau ka de de 'unau.

¹⁶ Ma 'orasi ne'ena 'una ge'ena duga ka to ngonawa 'ani gilaongo, ma 'una 'ifoloide de 'o gilaongo. 'Una ge'ena nanga 'esa moi ka 'o ngo-ngaku moi gee powisiboso-bosono. 'Una 'awi faedaa ma amoko ma ngale ngoino, de 'ifoloiosi ngonaka! 'Una 'o ro-riwo gee 'awi faedaa ma amoko, de mita 'awi ngo-ngakuoka ma Jouka 'isoka ngoneli.

¹⁷ De sababu ngona namaoku ngone pomarimoi sababu ngone ka 'o ngo-ngaku moi, ge'ena wonidawongoli 'o Onesimus 'isoka noidawongo ngoi.

¹⁸ Nako naga de 'awi sowonoka bolo 'awi nagimi ngonaka, madaka la ngoiou tamoku ge'ena 'iodumu.

¹⁹ Yaowa ngoiou ma sirete talefo ne'enaka: Ngoi 'o Paulus 'asa tafangu tatotomo. (Ma raiokau koiparaluuwau ngoi tonisinganono 'ato ngona ma sirete 'ani nagimi de ma 'ena ngoioka, ge'ena la 'ani 'ahu ma sungi ma ngale nongakuokau.)

²⁰ Sababu ge'ena, ngone 'o 'esa moi ma ngale ka 'o ngo-ngaku moi, bika noiriwo 'ai singina nadiai 'imorene.

²¹ Ngoi tolefo 'o surati ne'ena sababu tanakokau 'ato dua nadiai 'okia naga gee ngoi toga'asoko. De ngoi tanako ngona 'Esa moi 'asa nadiai 'ifoloika de ge'ena.

²² De tanu noiriwo nadua-duanga 'o ngii 'ani woaka ma ngale ngoi, sababu ngoi tongano-nganono ma Jo'oungu ma Dutu wosigisene to ngini 'Esa moi nioodumu 'ania lahidoa de woi'asa woisigilioli nginika.

²³ 'O Epafras gee nongoka dau de de ngoi miobuika sababu miositotara 'o habari ma ngale ma Kristus Yesus, 'awi tabea wosidingoto nginika.

²⁴ 'Ai ma-manai gee pomasida-damanarama manga tabea yosidingoto mita nginika, ge'ena la 'o Markus, 'o Aristarkhus, 'o Demas de 'o Lukas.

²⁵ Toga-ga'asoko la tanu ma Jou Yesus Kristus winisibarakati! Ngoi 'o Paulus, tinitabea!

Filemon

Video Filemon 1

Ikuti Kami:

KONTAK | PARTISIPASI | DONASI