Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Tolanoo Filmon fo ami nonoom ma ami tia-lai malalau-maoonom. Nate'ak neme ita tolanoon Timotius ma neme au, Paulus fo nanatahan, hu ka nde ita Lamatuan Yesus Kristus. Au sulak susulak ia fe emi,

² ma basa hataholi kamahehelek fo mana lakabubua nai o uma ma; ma ita tolanoo inan Apfia no nonoon Arkhipus, fo ana puse laipana no ita boe.

³ Ami mamahena ela leo beena, ita Aman Manetualain, ma Lamatuak Yesus Kristus, fe o baba'e-papalak ma mole-dame.

⁴ Metema au hule-haladoi neu Manetualain soona, au seseik o na'de ma.

⁵ Nanahu au amanene hataholi la lafa'da lae, tolanoo ka namahele te'e-te'e neu Lamatuak Yesus, ma tolano ka sue-lai basa Manetualain hataholi kamahehele nala.

⁶ Au hule-haladoi fo ela leo beena, ita hataholi kamahehele ka nakabuan ia, nini fe ita malelak ba'u ka soaneu basa baba'e-papalak fo ita tanuun, nanahu ita da'di esa to Kristus.

⁷ Tolanoo Filmon ei, o susue-lalaim neu Manetualain hataholi kamahehele nala, ana tao na au amahoko ma natetea-nahehele au! Basa Manetualain hataholi kamahehele nala lamahoko so, nanahu tolanoo ka.

⁸ Hu ndia da'dileo tolanook fo namahehelek esa, tunga ndoo na au bisa paleta tolanoo ka fo, tolanoo ka tao hata fo tolanoo ka muse tao-no'in.

⁹ Tehu, hu ka nde au sue-lai tolanoo ka de, ka'da au oke mesan ia. Au lasik esa, ma besak ia au nanatahan nai bui dale, nana au tui-benga Kristus Yesus.

¹⁰ Au fo Paulus, au oke dede'ak esa ia, neme o mai, la'eneu Onisimus fo au ana susueng nai Kristus dalek. Nana nai tahanan ia dalek, au da'di ndia ama mana hela-nolen, nai namahehelek soaneu Kristu sa.

¹¹ Makahulu na Onisimus ia, sosoa-ndandaan ta soaneu o, tehu besak ia, masosoa-ndandaak so, tehu ta ka'da soeneu o mesa ma fa te, soaneu au boe.

¹² Besak ia, au haitua falik hataholi fo au sue-laik ndia, leo o ne'i so.

¹³ Tunga ndoo na, au nau ahelen neme ia, fo ana nggati o, fo daenga ana tulu-fali au nai tahanan dale, nana au tui-benga Manetualain Hala Malole na.

¹⁴ Tehu au ta nau tao leondiak, metema o beita makaheik fa. Au nau, metema o makaheik no dale katema tuak. Au ta nau laka-akaseti o fa.

¹⁵ Fafa'kama Onisimus nasi'da-naba'e no o, ka'da soaneu fai nggenggelok esa mesan, fo ela o bisa hapu fali kana losa dodoo na.

¹⁶ Besak ia, ana ta da'di ata esa soaneu ka'da tolano ka mesa kana fa; tehu lena neme ndia mai. Ndia nde bee na, hataholi kamahehele susue-lalaik boe. Sosoa-ndandaan ba'u na seli soaneu au, lena-lenak soaneu o bai! Tao leo bee o, sosoa-ndandaan ba'u na seli, nau da'dileo ata do da'dileo tolanook nai Lamatua ka dalek!

¹⁷ Hu ka nde tolanoo ka tao au da'di tolanook nai namahehelek esa dalek de, sipo ma falik Onisimus, sama na leo tolanoo ka sipok au.

¹⁸ Metema ana tao salak do nahuta-nabu'u o soona, neme na fo, de'i au baes.

¹⁹ Na, malole lenak au tao susula lima leek leona ae: Au, fo Paulus, neukose au bae ketu la'iesa kasa. Tao leo beeo, ta paluu au abenga tolanoo ka ae, tolanoo ka boeo, nahuta au, fo nde o so'da beu ma.

²⁰ Hu ndia de, no Lamatua ka na'de na, tulu-fali su'dik au, fo tao mamahoko au dale nga, sama leo tolanook nai Kristus dalek.

²¹ Au sulak susulak ia, nana au amahele, neukose tolanoo ka tao matetu hata fo au oke ka. Nakalenak bai, au bubuluk, neukose tolanoo ka tao lena neme ndia mai bai.

²² Au amahena tolanoo ka sadia fe au kama esa nai tolanoo ka umam, nana au amahena Manetualain sipok emi basa-basa mala huhule-haladoim, fo no falik au leo emi neu.

²³ Epafras, fo hu ka nde Kristus de, ala tahan ana sama leo au boe, ana haitua fe o nate'ak boe.

²⁴ Sipo ma nate'ak neme au tia-lai malalau-maoonong Markus, Aristarkhus, Demas ma Lukas mai boe.

²⁵ Ela leo bee na Lamatuak Yesus fe baba'e-papalak neu emi. Ha'da-holomata neme ami, Paulus

Filemon

Video Filemon 1

Ikuti Kami:

KONTAK | PARTISIPASI | DONASI