Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Puari Filemon, kantik sekam! Nyak, Paulus, sai jelma tahanan mani Isa Almasih, jejama jama puari ram Timotius, nulis surat inji jama niku

² rik jama jemaah sai bekumpul di lambanmu; juga jama puari bebai ram, Apfia rik kantik seperjuangan ram, Arkhipus.

³ Sekam ngeharap semoga Allah Bapa ram rik Tuhan Isa Almasih ngeni berkat rik sejahtera jama niku.

⁴ Unggal nyak bedua, nyak nyebut gelar Puari rik ngucapko terima kasih jama Allah.

⁵ Mani nyak ngedengi bahwa Puari temon-temon percaya jama Tuhan Isa rik mengasihi sunyin umat-Ni Allah.

⁶ Nyak bedua semoga hubungan puari ram sebagai jelma-jelma percaya haga ngehasilko pengertian sai lebih balak atas sunyin berkat sai ram kedau mani besatu jama Almasih.

⁷ Puari Filemon, kasihmu tehadap sunyin umat-Ni Allah, ngeriangko nyak rik ngeni durongan jama nyak! Sunyin umat-Ni Allah radu jadi riang mani Puari.

⁸ Ulihni seno, sebagai puari sai seiman, nyak dapok gaoh merintahko Puari untuk ngelakuko api sai harus Puari lakuko.

⁹ Kidang mani nyak mengasihi Puari, nyak angkah ngilu gaoh. Nyak inji sai jelma tuha rik tano sedang ditahan di delom bui mani Isa Almasih.

¹⁰ Nyak, Paulus, ngajuko suatu kiluan jama niku tentang Onesimus, anakku di delom Almasih. Mani di delom bui inji nyak radu jadi bak rohanini.

¹¹ Tumbai ia mak beguna untuk niku, kidang tano ia beguna, lain gaoh untuk niku, kidang untuk nyak juga.

¹² Tano jelma sai kukasihi udi kukirim muloh jama niku.

¹³ Sebenorni nyak mirak nahan ia jejama nyak sebagai jelma sai ngegantiko niku, in ia dapok ngebantu nyak, selama nyak ditahan delom bui inji mani ngabarko Kabar Betik jak Allah.

¹⁴ Kidang nyak mak haga ngelakuko api-api kik Puari makkung ngeni persetujuan. Nyak lebih gering kik Puari tenggalan rila hati ngelakukoni; nyak mak haga maksamu.

¹⁵ Halokni Onesimus bepisah jak Puari untuk sementara waktu in Puari dapok ngedapokko ia luot untuk selama-lamani.

¹⁶ Tano ia lain angkah sai jelma sai ngebantu Puari; ia lebih jak seno. Iado peperda ulun Kristen sai tecinta. Ia beguna nihan untuk nyak, apilagi untuk niku! Tantu ia beguna nihan baik sebagai jelma sai ngebantu maupun sebagai puari di delom Tuhan!

¹⁷ Ulihni seno, mani Puari nganggap nyak kantik peperda Kristen, terimado luot Onesimus gegoh injuk Puari nerima nyak.

¹⁸ Kik ia besalah atau behutang jama niku, tagando nyak nanggung sunyinni ano.

¹⁹ Nah, helauni nyak nulisni tenggalan di dija: Nyak, Paulus, haga ngebayarni sunyinni. (Tantu mak perlu nyak ingokko bahwa Puari tenggalan ngedok hutang jama nyak, yakdo hurikmu sai ampai sebagai ulun Kristen.)

²⁰ Ulihni seno, demi Tuhan cuba tulung nyak, riangko hatiku sebagai puari di delom Almasih.

²¹ Nyak nulis surat inji mani yakin bahwa Puari haga ngelakuko api sai kukilu. Bahkan nyak pandai Puari haga ngelakuko lebih jak seno.

²² Sementara ano, tulung sediako kamar untuk nyak di lambanmu, mani nyak beharap Allah ngabulko dua Puari-puari sunyinni rik ngusung nyak muloh jama keti.

²³ Epafras, sai wat jejama nyak delom bui mani Isa Almasih, ngirim salam jama niku.

²⁴ Terimado juga salam kantik-kantikku: Markus, Aristarkhus, Demas rik Lukas.

²⁵ Semoga Tuhan Isa Almasih ngeberkati keti. Hormat sekam, Paulus

Filemon

Video Filemon 1

Ikuti Kami:

KONTAK | PARTISIPASI | DONASI