Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ene Mawu Yesus nasuẹen hengetange kěbịe, i Sie naněntangkeng Galilea e mase nakoạ sol᷊ong banuang Yudea, su sěmběkan Sal᷊ụ u Yordan.

² Lawọ taumata nẹ̌batụ si Sie, kụ i Sie napakapian sire sene.

³ Mase tau Farisi e nahunděnta mẹ̌deạu mětẹ̌gạ si Sie. I sire nakiwal᷊o, "Tumuhụ torat'u agamang kitẹ e, botonge ngae taumata manindo kawinge walạewe měnsang ual᷊ingu a?"

⁴ Mawu Yesus simimbang, "Kai ta nakạbasa i kamene su ral᷊ungu Winohẹ Susi u Měndariadi taumata e nạung bọu tětạe něndiadi si rẹ̌dua esẹ dingangu wawine?

⁵ Kụ bọu ene i Sie něhengetang, 'Kai ene, hakịeweng esẹ e kawe maněntang i ninang dingangu i amange kụ mẹ̌těngkatakidẹ̌ dingangu kawinge kụ i rẹ̌dua nasěmbaụ.'

⁶ Kutẹu i rẹ̌dua e sembem bal᷊inewe rarua, kaiso kawe sěmbaụ. Kụ kai ene, hakịu apang kụ seng nikauh'u Ruata abe pẹ̌tan taumata."

⁷ Mase tau Farisi němpẹ̌kiwal᷊o si Sie, "Kamageng kerene, unụe wue i Musa mạngoro taumata apěgẹ̌gěllịu surat'u sindo su kawinge kụ seng nisindoěng e?"

⁸ Mawu Yesus simimbang, "I Musa napakawalang kamene manindo kawing'i kamene ual᷊ingu i kamene tumanịu makětị těntiroěng. Kai tuhụ hinone ute kai wal᷊inewe kerene rokeng bọu tětạe.

⁹ Kụ pẹ̌daringihẹ̌ko ini: I sai manindo kawinge -- sěmbal᷊iau wawine ene tawe nawuang -- bọu e saụ nẹ̌kawing u wawine wal᷊ine ute, tau ene nawuang."

¹⁰ Tangu manga murit'i Yesus němpẹ̌berạe si Sie, "Kamageng kakakoạu sěngkawingang kai kerene ute, mạpiangbe ta mẹ̌kawing."

¹¹ Mawu Yesus simimbang u, "Bal᷊inewe kěbị taumata makatarimạu manga wawera ene, kai kětạeng taumata apan seng nitilakeh'u Ruata.

¹² Ual᷊ingu kai piạ taumata tawe nẹ̌kawing, ual᷊ingu i sire semben kerene rokeng bọu kal᷊uwaeng i ninange. Piạbe lai tawe nakapẹ̌kawing ual᷊ingu pẹ̌kakoạu taumata wal᷊ine. Dingangu piạbe lai nẹ̌tatudẹ tawe nẹ̌kawing, mědeạu makapẹ̌tangkiang Mawu Ruata. I sai makaumal᷊ẹ̌ manarimạ u těntiro ini ute, walạe kere i sie apěnarimạ."

¹³ Piạko taumata němpěngěntudẹ̌ manga rariọ su anung Yesus pakịtěllideng l᷊iman'E su těmbọ i sire ringangu makikal᷊iomaneng i sire. Kutẹu manga murit'i Yesus kawe němpẹ̌pědu si sire.

¹⁴ Tangu Mawu Yesus němpẹ̌bera su manga murit'E, "Balạe manga rariọ e ruměnta su anuku! Abe sahaghei i sire, u kai manga rariọ kere ini e sarung makoạ kawanuan Duata."

¹⁵ Mase Mawu Yesus naněllid'u l᷊iman'E su těmbọ u manga rariọ ene kụ něngal᷊amatẹ̌ si sire. Mase i Sie nangensọ bọu tampạ ene.

¹⁶ Su sahěllo piạ tau esẹ sěngkatau riměnta su anung Yesus. "Tuang Guru", angkuěng e, "kakanoạ sude mapia hinon takụ koateng tadeạu makatarimạ pẹ̌bawiahẹ̌ tutune ringangu kakalẹ̌ e?"

¹⁷ Mawu Yesus simimbang, "Unụe i kau makịbal᷊ong hal᷊ẹ̌ mapapia e si Siạ? Kětạeng piạ sěmbaụ mapia. Kereu i kau mapulu mẹ̌biahẹ̌ ute, i kau e harusẹ̌be pakatuhụ su tita'm Mawu Ruata."

¹⁸ "Tita we sude tangu ene?" angkuěngu tau ene. Mawu Yesus simimbang, "Kumbahang mamate, kumbahang mawuang, kumbahang mẹ̌tako, kumbahang mẹ̌sahiding konti,

¹⁹ pangadatẹ̌ si amang dingangu si ninangu ringangu kěndag'u kasanggidangu mẹ̌sul᷊ungu i kau kuměndag'u watangengu e hala."

²⁰ "Patikụ tita e seng takụ nisěmpikang," angkuěngu tau umbaseng ene, "Delaing apa wědang?"

²¹ Mawu Yesus nẹ̌berạe si sie, "Kereu i kau mapulu masukụ ute, rakọe pẹ̌bal᷊ụ u patikụ darotong u, onggọko roite su taumata kasiang, kụ i kau sarung makahombang arětạ su sorga. Bọu ene, ramahị e tol᷊ẹ e si Siạ!"

²² Sarang nakaringihe wawera ene, umbaseng ene napul᷊ẹ dingangu naunge masusa watụ u i sie kawe taumata rarotonge lawọ.

²³ Mase Mawu Yesus něhengetangke su manga murit'E, "Iạ mẹ̌bera si kamene, apawe mawěhạ kahěngang tau kalạ makoạ kawanuan Duata.

²⁴ Kạpia Iạ maul᷊ị si kamene; mạl᷊owokangbe onta sumuẹ̌ lohangu tul᷊ing darahung, sul᷊ungu tau kalạ sumuẹ̌ su Runian Duata Wuhu e."

²⁵ Sarạeng manga murit'i Yesus nakaringihẹ̌ baweran Mawu Yesus e, i sire měngkai apa rimal᷊inaụ. "Kamageng kerene," angkuěng i sire, "i sai wue masal᷊amatẹ̌ e ho?"

²⁶ Mawu Yesus němandạe si sire mase nẹ̌berạe, "Su taumata e, ene tawe nasowa su akal᷊ẹ̌! Arawe su Ruata e, kěbị měngkai mariadi."

²⁷ Mase i Petrus nẹ̌berạe, "Kakěllako, i kami seng naněntang u patikụ sạbarang baug'u tumol᷊e si Tuang. Kụ apa wue sarung ikatarimạ i kami?"

²⁸ Mawu Yesus nẹ̌berạe si sire, "Pěmpangimangke: Su Dunia Wuhu e, Ahus'u Taumata e sarung maiang su wowong kaderang kawawantugẹ̌. Su tempo ene i kamene manga muritẹ̌-Ku e sarung maiang su kaderang kawawantugẹ̌ mapul᷊o dua kụ měmpẹ̌hukung u hěntong Israel mapul᷊o dua!

²⁹ Kụ isaịewen naněntang u wal᷊e arau anạ u sěngkataune esẹ arau wawine, arau inang i amang arau manga anạ, arau winal᷊aenge waug'u Iạ e, tau ene sarung manarimạ kapia mahasụ su sul᷊ene. Kụ i sie sarung l᷊ai manarimạ pẹ̌bawiahẹ̌ tutune ringangu kakalẹ̌.

³⁰ Kai lawọ taumata orasẹ̌ ini apang kahumotongange sarung měngkakoạ kasamuriange, ringangu apan kasamuriange sarung měngkakoạ kahumotongange."

Matius

Video Matius 19

Ikuti Kami:

KONTAK | PARTISIPASI | DONASI