Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Hun bangku, sintua in, hubani si Gayus, na hinaholongan, na huhaholongi ibagas hasintongan.
2 Ham na hinaholongan, iparsinta uhurhu do, ase horas anjaha jorgit ham ibagas haganup, domu hubani hajorgiton ni tonduymu.
3 Malas tumang do uhurhu, sanggah na roh hasoman-hasomanta, anjaha isaksihon sidea do pasal hasintongan na adong bamu, sonaha ham marparlahou ibagas hasintongan.
4 On do malas ni uhurhu sibanggalan, ai ma, anggo hubogei marparlahou anakku ibagas hasintongan.
5 Ham na hinaholongan, dear do pambahenmu in bani hasoman-hasoman ampa bani halak na legan.
6 Isaksihon sidea do holong ni uhurmu i lobei ni kuria in. Dear ma in anggo ipabingkat ham sidea bani pardalanan ni sidea, domu hubani rosuh ni Naibata.
7 Ai halani goran in do sidea bingkat, anjaha seng dong ijalo sidea atap aha pe humbani halak sipajuh begu-begu.
8 Halani ai, patut do jaloonta halak sisonin, ase hasoman parhorja hita bani hasintongan in.
9 Manongos surat do ahu otik bani kuria in, tapi lang ijalo si Diotrepes hanami, ai ma na sihol sigijangan ai humbani sidea ninuhurni.
10 Halani ai, anggo roh ahu, tarsingatanku ma pambahenanni ai, ai ma na pasambor-samborhon hanami marhitei hata-hata, anjaha seng sonang uhurni singgan sonai tumang, manjua do ia manjalo sanina in, anjaha ilanglangi na sihol manjalo, ipabali humbani kuria in.
11 Ham na hinaholongan, ulang ma tiru na masambor, tapi na madear ma. Hun bani Naibata do halak na mangkorjahon na madear, tapi sihorjahon na masambor seng ongga ididah ai Naibata.
12 Jumpahan hasaksian do si Demetrius humbani haganup, ampa humbani hasintongan in sandiri, sonai homa hun bennami, anjaha ibotoh ham do, sintong do hasaksian na hun bennami in.
13 Buei do namin sisuratkononku bamu, tapi seng marosuh uhurhu manurat bamu marhitei tinta ampa panurat.
14 Tapi arap do uhurhu podas ham boi idahonku, jadi boi ma hita padumpar bohi marsahapi. (13-15) Damei ma bamu. Manongos tabi do bamu hasoman-hasoman in. Padas ham tabingku bani hasoman-hasoman in sada-sada!
3 Yohanes
Video 3 Yohanes 1
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA