Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ale saraina Gayus simanuntut bagakku! Aku néné panei-nei paamian, bulat simakaté baga ka tubum,
2 aikutitiddouaké ekeu ka tubut Taikamanua, bulé imarogdang puririmanuam, samba bulé ramaerú sangamberidda ka tubum, kelé erut bagam kekeu leú et.
3 Bulat mangká bagakku simakopé akuarep katuareman tubum sisegéakenenda piga pá saalei tai Kariten, iaté pagalaiat topitnu ka tubut Taikamanua bulat sibulatnia, aipoí bulat kirénangan lé bulat mariu-riu nuparaboat'aké siripot tiboiet Taikamanua.
4 Tá anai bagei siangkáaké bagakku simakopé, sarat masiarep erut puparaboananda tatogakku ragalaiaké siripot singantoman'akenen Taikamanua lé.
5 Ale Sarainangku Gayus! Bulat matopit ekeu masipuukú galajet, iaté masipasikeli saalei pasasamba tai Kariten; samba beri leú sia saaleita tai Kariten taiaagaietnu leú, ainupasisikeli sia.
6 Aranunuakéan punununtut bagam sigalainu, ka matadda sapaamian ka kudduatmai sené. Oto kutiddou ka tubum bulé nurop'aké sia, ioi rariu-riuaké puenungannanda, oto bailiu mangkánangan bagat Taikamanua,
7 aipoí ka puenungananda raei masipuukú galajet Kristus, bulat beri apa pá tá anai rasisiló sibara ka tubudda sipuarat sabulungan.
8 Oto buítá tarop'aké kam sia saaleita pasasamba tai Kariten sigalaiaké kelé néné, bulé sikeré kabei sita masipakakra ngantoman arat bulat sibulatnia sibara ka Taikamanua.
9 Akukauan suratku siteté ka tubudda sapaamian, tápoi ka sia geti si Diotrepes sigelai muuté ka paamian, tá iobá ireddet sikuakku.
10 Amoian geti aku poiliatkungan nia sangamberi sigalaiakenennia, iaté pagalaiat pukakataí nia samba pabokoatnia, ipabara tiboiet pagalaiat tubumai! Tápoi bulat tápei sesegé bagania galai tubunia kelé nenda. Ka tetret araoi saalei pasasambadda tai Kariten, bulat tá iobá isiló sia. Tápoi aikeraaké lé sia siobá masisiló sasarainanta néné, bulé buí rasiló sia, samba lepá, kuanangan bulé rabelaaké sia ka paamian!
11 Ale kam Sasarainamai simanuntut bagamai, buí nuului kam pukakataí néné. Simaerú lé ului kam. Aipoí Taikamanua lé sibakkat sia sipasigagalaiaké simaerú. Sia geti sitaigalaiaké simaerú, tápei raagai nia Taikamanua.
12 Tápoi araumun'akéan galai tubunia ka sia si Demetrius. Beringan Taikamanua aiumun'akéan galai tubunia. Kai leú et ka kai akuumun'akéan kai sigalaiakenennia, samba ai lé nuaagai kam, sangamberinia sisegéakenenmai néné, bulat katonemiet lé.
13 Bulat maigi peilé kuanenku ka tubum, tápoi sipinaatukku, maerú peilé tá kukua nia ka suratku.
14 Bulat táan leú mauuju tapaaili, sedda peité tapatibo sipatutuggut mata. (1-15) Bulé ipanukani ekeu Taikamanua. Beri sia saaleinu leú et ka kudduatku néné, segé salamra ka tubum. Ai leú nusegéaké salamku ka tubudda sangamberi saaleita; ai leú nusenei sia.
3 Yohanes
Video 3 Yohanes 1
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA