Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ee, tomala'bihku' Gayus to kupakamoja'! Aku' Yahya, mesa' pekaamberan jamaa nnuki'i tee sura' lako iko to kupakamoja' tongan.

² Ee, tokupakamoja'! Massambajangna' ammumalagah-lagah bang na te'da apa mukasussai, susi too penawammu masannang.

³ Den ba'tu pira-pira padanta' tomatappa' ratu inde', na gaja sannangna' ssa'dingngi tonna curitai kumua da'tanko matappa' lako Puang Allataala ammuturu' tarruhhi to pangngajaran-Na.

⁴ Iamo kaminang kupumasannang, ke kusa'dingngi karebanna to kupuanak kumua nturu' ngasan unai pangngajaran-Na Puang Allataala.

⁵ Ee, tokupakamoja'! Liwa'mo budanna to pangtulungmu lako padanta' tomatappa', moi to tote'dapa muissenni.

⁶ Ia joo tau mangka mpaui lako jamaa inde' kumua mupakamoja'i. Melo ke da'tanko ntulungngi susi sipato'na taun-Na Puang Allataala ditulung, nawa'ding mpatarruh kalingkanna.

⁷ Nasaba' malemo mpangpeissenan pangngajaran-Na Almaseh, nacia'i ntarima pangtulungan jio mai tote'da naissen Puang Allataala.

⁸ Iamo joo kita'ra la ntulungngi to padanta' tomatappa' to susi joo. Ia ke tatulungngi, padamiki' toturu' todamo mpangpeissenan pangngajaran tongan jio mai Puang Allataala.

⁹ Mangkamo' ngkiringanni sura' mati' to jamaa, apa ia to Diotrefes to madoang menjaji puanggawa, cia'i mpesa'dingngina'.

¹⁰ Ratupa' mati', kupau ngasanni to panggaukan gaja'na, iamo to naanggasankan kada. Te'da na ia manda joo, apa ia tonna ratu to padanta' tomatappa', cia'i ntarimai, kannori naanggai to tau madoang ntarimai, napasunni lan mai jamaa.

¹¹ Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

¹² Ia to Demetrius napau melo ngasan tau, moi Puang Allataala mpau melo tooi. Na moi kami' kipau melo too, na muissen kumua tongan to apa kipau.

¹³ Gaja budapa to parallu la kupauanko, apa mbai la'bi melo ke danggi' omo nadiuki'.

¹⁴ Ia ke naeloranna' Puang la madoi'na' ssikitanko tasipangkada-kada. (1-15) Dennaa upa' nabenko Puang Allataala kamasannangan. Massallangngi to padanta' tomatappa' inde'. Sallangku' mati' padanta' tomatappa' to musolan iti'. Padamo jolo' too.

3 Yohanes

Video 3 Yohanes 1

Ikuti Kami:

KONTAK | PARTISIPASI | DONASI