Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sura ide au hangko iriko, Tosaenda to Sarani, kupakatu irio Gayu, rangangku au kupokaahi mpuu.

² Halalungku! Mekakaena bona maroa-roako hai bona molambiko roa ngkatuwo i hinangkana au nubabehi. Kuisami kamaroana tanoanamu, hai kuperapi bona maroa-roa wori watamu.

³ Matana mpuu lalungku, lawi arahe bahangkia halalunta hampepepoinalai au hawe inde moanti bambari kana irio, rauli: mepoinalai liliuko i paturo au tou, hai babehiamu moula wori paturo iti.

⁴ Melumbu mpuu kamatanangku ane kuhadi bambari au manguli anangku moula liliu paturo au tou.

⁵ Halalungku! Matanana lawi motulungi liliuko halalunta au mehupe i boeamu. Mogalori tauna au bara mani nuisa, nutulungi worihe.

⁶ Arahe au mai inde mopahawe kana i ahimu i ope-ope halalunta hampepepoinalai. Mewali, kuharunga ina nupopeangka maroahe moula rara au mopakatana laluna Pue Ala, bona peisahe mopaliliu polumaonda.

⁷ Lawi halalunta iti, mampopolumaohe bagona Pue Yesu. Hai barahe molambi apa-apa hangko i tauna au bara mepoinalai i Pue.

⁸ Mewali, hintoto mpuu ane tatulungihe, lawi ane tababehi nodo, lempona mobago sambelake i lalu pobagonda moanti bambari au tou.

⁹ Ara hambua surangku au kupakatuahe ope-ope halalunta hampepepoinalai inditi. Agayana Diotrepes bara mopailalu lolitangki, lawi au naisa pea, mampemahile.

¹⁰ Mewali, ane hawena deade, ina kupakanotoako babehiana au kadake. Ia mosalai liliungkai agayana bara tou pesalaina. Hai bara iti pea au nababehi. Ane halalunta au moanti Ngkora Marasa mehupehe i boeami, barahe natarima, hai nakonto worihe tauna au mounde motarima. Hai hema-hema au mounde motarima topoanti Ngkora, napopelohohe hangko i jumaa.

¹¹ Halalungku! Ineeko mampeulai apa au kadake. Nupeulaimi apa au maroa. Tauna au mobabehi roa, napoanahe Pue Ala. Tauna au mobabehi dake, bara manihe moisa Pue Ala.

¹² Ane Demetrius, ia ratoya ope-ope tauna. Hai hintoto mpuu ratoya, lawi babehiana moula paturo au tou. Kitoya wori, hai nuisa katouna petoyangki.

¹³ Ngkaya mani au kupeinao kupahaweako, agayana bara kuunde mouki ope-ope i lalu sura ide.

¹⁴ Lawi kuharunga barapi mahae ina mohidupa mbulike, bona ara katepakanta mololita sambela. (1-15) Mekakaena bona molambiko roa ngkatuwo. Ngkaya tabea hangko i ope-ope himadamu inde. Nupahawea wongkoya tabeangku i ope-ope rangangku au arahe inditi.

3 Yohanes

Video 3 Yohanes 1

Ikuti Kami:

KONTAK | PARTISIPASI | DONASI