Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Metema see namahele Mane Mana Fe So'dak fo Manetualain helu ka, fo nde Yesus soona, Manetualai nanan hataholi ndia. Boema metema hataholi a ana sue-lai amak esa, soona ana sue-lai ana na boe.

² No enok ndia, de ita bubuluk tae, ita sue-lai Manetualai nana nala: Ita sue-lai Manetualain ma tunga paleta nala.

³ Nana metema o sue-lai Manetualain soona, o muse tunga paleta nala. Nana paleta nala ta mabela fa.

⁴ Nana basa Manetualai nana nala, lapalani sengi daebafa mangalauk ia. Ita sengi daebafa ka ninik ka'da ita namahehele na.

⁵ See ka nde sengi daebafa ka? Ka'da hataholi fo namahele, Yesus nde bee na Manetualain Ana na, ndia nde sengi daebafa ka.

⁶ Yesus Kristus mai leo daebafa ka mai, boema salanin ma maten. No enok ndia, Ana mai ta ka'da no oe mesa kana fa, te no oe ma daak. Boema Manetualain Dula Dale na sakasii nae, memak dede'ak ndia, tete'e ka. Mafandendelek te, Dula Dale ka, ta masa pepeko-masandandalik fa.

⁷ Hapu sakasii telu:

⁸ fo nde, Manetualain Dula Dale na, oe a, ma daa ka telus hala tutui nala matak esa.

⁹ Ita tamahele neu hataholi daebafak sakasiin, tehu Manetualain sakasii na, balakai na ba'u lena seluk bai. Leondiak Manetualain sakasii na, la'eneu Ana na.

¹⁰ Hu ndia de, hataholi fo namahele Manetualain Ana na, ana sipo na sakasii ndia nai dalen dale so; tehu ba'eneu hataholi fo ta namahele Manetualai na, ana tao Manetualain nono'kabai de masapepeko-masandandalik; nana ta namahele hata fo Manetualain nafa'dan la'eneu Ana na fa.

¹¹ Sakasii ndia nae leo ia, Manetualain fe basa ita so'da matetu ka ma mana ketu basa ta ka, fo Ana na nde da'di maso'dak ndia huu na.

¹² See nanuu Manetualain Ana na soona, nanuu so'dak ndia; ma see ta nanuu Manetualain Ana na fa soona, ta nanuu so'dak ndia fa.

¹³ Au sulak susulak ia, fe emi mana mamahele neu Manetualain Ana na, fo ela emi bubuluk te, emi hapu so'da matetu ka ma mana ketu basa taa ka so.

¹⁴ Hu ndia de, ita tapalani hule-haladoi neu Manetualain, nana ita tamahele, Ana sipok ita hule-haladoin, metema ita hule-haladoin ndia, nandaa no dale hihii na.

¹⁵ Nana ita bubuluk basa, metema ita token soona, namanene ita nonoken ndia, boema ita bubuluk boeo, metema ita token beek soona, tao leo beeo Ana fe ita.

¹⁶ Metema emi mita emi nonoo salanim esa, ana tao salak esa, leomae ta nini mamates fe fan, soona ela leo beena, emi hule-haladoi neu Manetualain fo Ana fe hataholi ndia, maso'da matetu ka, ma mana ketu basa ta ka. Dede'ak ia nandaa no hataholi fo ana tao salak, te salak ndia ta nini mamates fe fan. Tehu emi boso hule-haladoi neu Manetualain, soaneu hataholi fo sala na nini mamates. Emi tao salak soona, hule-haladoi neu Manetualain.

¹⁷ Nana basa tatao-nono'i masala kala nde beena, sala-singok basa sila la, tehu hapu sala-singok luma, ta lini mamates fa.

¹⁸ Ita bubuluk boeo, basa Manetualai nana nala lala'ena, boso tao sala-singok lakandondoo henin, hu ka nde lamahena Manetualain nasulu-nahapas de Hataholi Mangalauk ndia ta taos le'e esa boen.

¹⁹ Leomae Hataholi Mangalauk ndia, ana koasa nai basa daebafak ia lala'ena, tehu ita bubuluk basa, Manetualain nuun ita so.

²⁰ Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndoo sa. Fo ela ita taso'da to Manetualain fo ndoo sa, ma taso'da to Anan fo Yesus Kristus. Ndia nde Manetualain fo ndoo sa, ma Ndia nde so'da matetu ka mana ketu basa ta ka.

²¹ Ana ngala lemin! Madook ao ina mala neme sosongo-tatango kala mai.

1 Yohanes

Video 1 Yohanes 5

Ikuti Kami:

KONTAK | PARTISIPASI | DONASI