Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Togat Taikamanua lé ituooniaké sia sangamberi sikatonemi Puririmata Sipaarau nia Jesus, sitonéakenen Taikamanua néné. Simanuntu baga ka tubut sara ukkui, manuntu leú te bagania ka tubut togat ukkui néné.
2 Oto ka enungan néné te taaagai kam nia punununtukitta sia baga tatogat Taikamanua, iaté: Manuntu bagatta ka tubut Taikamanua sambat mareddet sita ka surukatnia.
3 Masipununtuki baga Taikamanua, katukolobatnia iaté, masireddet surukatnia. Bulat tá masané ka tubutta surukatnia,
4 aipoí sangamberi tatogat Taikamanua, momoi rakalaaké polak sijo néné. Tonem bagatta lé tapapakei kam masikalaaké polak néné.
5 Kasonia momoi masikalaaké polak néné? Bulat sarat sia lé sikatonemi, Jesus néné, iaté Togat Taikamanua.
6 Jesus Kristus te amoi ka polak néné sambat oinan pasiraukatnia samba leú et logau kamateiatnia. Aioi tá sarat oinan, tápoi sambat oinan sialei logau. Bulat tubut Ketsat Sipunenan te amasimuneng'aké pusisineseatnia néné, aipoi ka sia Ketsat beri pei paboko nia.
7 Ai telu sipasimumuneng'aké, iaté: Ketsat Sipunenan, oinan sambat logau; kateludda néné, makeré simuneng'akenenda.
8 (5:7)
9 Kirénangan matonem bagatta ka simuneng'akenenda sirimanua, tápoi bulat simuneng'akenen Taikamanua peilé bulat maron. Oto nenda te pasimunengan siaket Taikamanua pagalaiat tubut Togania.
10 Kalulut néné, sia simatonem baga ka tubut Togat Taikamanua, arasilóan té simuneng'akenen néné ka bagat paatuatda. Tápoi sia geti sitaimatonem baga ka tubut Taikamanua, araoniakéan lé nia Taikamanua néné kelé sipaboboko, tá poí matonem bagadda ka sikuat Taikamanua pagalaiat tubut Togania.
11 Néné te tiboiet pasimuneng: Aiakéan ka tubutta puririmanua sipulelelek samba sitaitatatá, samba Togania te bakkat purimanuaiat.
12 Oto kasei masibakkati Togat Taikamanua, aian té ka tubunia purimanuaiat nenda; iageti sitaibakkati nia, tá leú te anai purimanuaiat ka tubunia.
13 Kugalai suratku néné ka tubumui simatonem baga ka tubut Togat Taikamanua, bulé nuagai kam nia kababarania purimanuaiat sipulelelek samba sitaitatatá ka tubumui.
14 Samba amaemengan bagatta mei ka matat Taikamanua, kalulut atakatonemingan aarepina paniddogatta, ké tatiddou kam apa pá siripot teú bagania.
15 Kalulut aagaita aarepina paniddogatta ké tatiddou apa pá ka tubunia, oto kolou leú et taagai kam aakéna apa siniddouta ka tubunia.
16 Oto ké nuitsó kam ai sara ka talagamui tai Kariten sigalaiaké jo sitaibaraaké kalimaiat puririmanua sipulelelek sambat sitaitatatá, tiddouaké kam nia ka tubut Taikamanua; bulé ikau ka sia Taikamanua purimanuaiat. Néné sarat ka tubudda lé sigalai jo, tápoi jodda nenda tápei sibaraaké kalimaiat purimanuaiat sipulelelek samba sitaitatatá ka tubudda. Tápoi ai jo sibaraaké kalimaiat purimanuaiat nenda ka tubudda. Pagalaiat nenda geti, tá leú kukukua ka matamui bulé nutiddouaké kam sia ka tubut Taikamanua.
17 Sangamberinia sele sigalaiakenen, iaté nenda oniakenen jo, tápoi ai jo sitaibaraaké kalimaiat purimanuaiat sipulelelek sambat sitaitatatá ka tubudda sirimanua.
18 Taagai kam sangamberi sipuoni tatogat Taikamanua, tá ragagalai taiaariakenen mugalai jo, aian poí Togat Taikamanua sisakkeri sia, oto ka sia leú Si Jo néné, táan momoi igalai apa pá ka tubudda.
19 Ataagaian kam babakkatina sita Taikamanua, kenanen baí sangaliot polak néné ai nia ka kupkumen Si Jo.
20 Ataagaian kam amoian nia Togat Taikamanua, samba aiakéan ka sita pukokolou ka baga, bulé bulat taagai kam nia Taikamanua bulat sibulatnia. Oto patabbarattangan ka tubut Taikamanua bulat sibulatnia, samba patabbarattangan leú et ka tubut Togania Jesus Kristus. Oto nia té néné Taikamanua bulat sibulatnia, samba néné te purimanuaiat sipulelelek samba sitaitatatá.
21 Oto kam Tatogakku, areuaké kam tubumui ka tubut sabulungan!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA