Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wam domba umalik inowen enehangge sabiron filila ririsimu poholman mun angge man angge enele eleg angge pik-pok teg angge weregma mo il tot larisi.
2 Tot larisimu anden yet harukmen malaikat sabiren Allah alukema unduhuk lit weregma waruk it ininggikmu wal taneg og isarusa.
3 Og isarusama malaikat winon eke kubag indok anggen elma kilaptuk angge seneg lit Allah fahet hubu lahaptuk ambeg ino iraham larisi. Iraham larisimu indok munggaltuk angge anggolo og utusama, "Indok munggaltuk angge aru fam Allah umalikisiyen sembahyang uruk angge wereg ulug hubu lahaptuk ambeg ili rurukon hur atuk angge alukema werehon ari palimu embemihin," ulug hiyag utusa.
4 Indok munggaltukmu hubu laharukon ino Allah umalikisiyen sembahyang urukon men mangno roho laharuk lit malaikat inggik famen Allah weregma laharuk latisi.
5 Laharuk latisimu malaikat inowen hubu lahaptuk ambeg ino fam indok ambiyang warisireg indok munggaltuk angge inggikmu werehon kilaboho indok ino hililoho kinangma hik isarisi. Hik isarisimu lebeglu lebeg turuk lit ululu humon sipuk turukmu o mek turuk lit aplohok humon tirisi.
6 Ari tirisimu malaikat sabiren itano waruk senehon itano waruk teltul ulug wep toho foroho latusa.
7 Wep toho foroho lit malaikat atamon inowen teltukmu osit humon sohonggen hag toho pilaptukmu indok ambulpul men mep men mangno roho kinangma hik isa wambik waharisi. Wambik waharisireg kinang men e ohi ahen men minggiroho, hoholangge selon obog toho harep narisi.
8 Harep narisimu malaikat pirenehon inowen oho waruk teltukmu tom humon indok ambulpul wilip atukon hahon ik yenggelegma hik isa wambirisi. Hik isa wambirisimu ik yenggelehon ino fumag fil il mep atisimu
9 ik ahummu lebe ruruk angge werehon minggiroho war atusama kou ik ahum ke larukon minggiroho siyag atusa.
10 Siyag atusama malaikat hinahanehon inowen waruk teltukmu suhal humon misig poholman ambulpul ulog-ulog wambik waharuk lit ik eleruk ahik men ik som wereg angge men minggiroho hondo ririsi.
11 Suhal ino unuk "Sig angge" inowen ik hondo ririsireg fumag fil minggiroho sig eneg atisimu ap anggolo ik ino narukmu war atusa.
12 War atusama malaikat uhanehon inowen waruk teltukmu mo men pikalem men suhal men minggiroho siyahap turusa. Siyahap turusa fil ino mum atisimu ilingge oho hubanggo oho fumag minggiroho hik teg eneg latisi.
13 Hik teg lit eneg weregma anden yet harukmen suwe tunguni pohol ke lam-lam laruk lit ele hum toho tung turuk lit, "Fong fong fong," il laruk lit," Malaikat hinahan itanowen oho waruk teltuk eleg ane roho teltuk halug ap kinangma werehonen fong watuk lamuhup," ulug suwe inowen urukmu hol harikik.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA