Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Me Ibokai dandro si fitu Ono Mbiribiri andrõ, tobali ahono zorugo so matonga za wa'ara.
2 Ba u'ila mala'ika andrõ si dafitu si zizio fõna Lowalangi, ba tebe'e khõra fitu rozi dorofe.
3 Ba tohare samõsa mala'ika bõ'õ solohe sambua mako, ba wanunu kumõyõ, ana'a, ba muzizio ia fõna meza wame'e sumange. Ba no tebe'e khõnia gumõyõ soya sibai ba wonõnõ fangandrõ Mbanua Lowalangi fefu ba nibe'e sumange ba naha wame'e sumange ana'a si so fõna dadaoma andrõ.
4 Fao awõ wangandrõ Mbanua Lowalangi fefu, simbo gumõyõ si holahola andrõ numalõ miyaw̃a moroi ba danga mala'ika si zizio fõna Lowalangi andrõ.
5 Aefa da'õ ihalõ mako wanunu kumõyõ mala'ika andrõ, ifo'õsi alitõ moroi ba naha wame'e sumange, aefa da'õ itibo'õ ba gulidanõ. Ba so we'ugu'ugu mbanua ba gari mbanua ba so ndruru danõ.
6 Me no aefa da'õ, ba dafitu mala'ika si no mololohe fitu dorofe, si no mama'anõ ba wamoli.
7 Ifoli dorofenia mala'ika si fõfõna, ba ilabu teu kara ba alitõ si faruka do, aekhu ba gulidanõ. Ba sambua ni'otõlu akhozi gulidanõ; si manõ gõi sambua ni'otõlu moroi ba dõla geu fefu akhozi, ba du'u sauri fefu ba akhozi.
8 Aefa da'õ ifoli dorofenia mala'ika si dua, ba tetibo'õ ba nasi zi hulõ hili sebua si holahola. Ba sambua ni'otõlu nasi tobali do,
9 ba mate zi sambua ni'otõlu moroi ba zaliw̃aliw̃a fefu si so noso ba nasi; si manõ gõi wa tekiko zi sambua ni'otõlu kõfa.
10 Aefa da'õ ifoli dorofenia mala'ika si tõlu, ba aekhu moroi ba mbanua si yaw̃a sambua ndrõfi sebua, si holahola si mane sulu, ba gõna zi sambua ni'otõlu nungo nidanõ ba umbu nidanõ.
11 (Tõi ndrõfi andrõ ba "Safeto".) Ba tobali afeto zi sambua ni'otõlu nidanõ, ba ato niha si mate bõrõ wamadu idanõ safeto andrõ.
12 Aefa da'õ ifoli dorofenia mala'ika si õfa. Ba tebõzi si sambua ni'otõlu luo, ba si sambua ni'otõlu mbaw̃a, ba si sambua ni'otõlu ndrõfi irege taya zi sambua ni'otõlu hagara. Sambua ni'otõlu gõi zi ma'õkhõ lõ haga ba si manõ gõi zi sambua ni'otõlu si bongi.
13 Aefa da'õ, u'ila ba urongo sambua moyo si hombo ba dalu mbanua, imane, "Alai! Alai! Alai niha fefu sowanua ba gulidanõ na terongo lafoli dorofera dania mala'ika si datõlu andrõ tanõ bõ'õ!"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA