Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sewaktu Anak Dombe nike bukaq sẽgel saq kepituq, sorge jari sepi kire-kire setenge jam ngonẽqne.

² Terus tiang serioq kepituq malaẽkat saq nganjeng lẽq arepan Allah, dait ie pade teicanin pituq terompẽt.

³ Sopoq malaẽkat saq lain, saq jauq sopoq tangkaq dupe emas, rauh dait nganjeng lẽq julu mẽje taoq kurban. Ie teicanin menyan luwẽq gati jari teaturang bareng-bareng kance do'e selapuq dengan saq tehususang bagi Allah lẽq atas mẽje taoq kurban saq tepiaq lẽman emas lẽq arepan tahte nike.

⁴ Bareng kance do'e dengan-dengan saq tehususang bagi Allah, pendet dupe saq kenyeke nyale nike nyempuq taẽk lẽman ime malaẽkat saq nganjeng lẽq arepan Allah nike.

⁵ Beterus malaẽkat nike bait tangkaq dupe nike, dait isiqne siq api lẽman mẽje taoq kurban, terus timpohne ojok gumi. Make kedengahan suare guntur kance kisap dait araq lindur.

⁶ Sesampun nike, pituq malaẽkat saq negel pituq terompẽt nike sampun siep gen niup terompẽtne.

⁷ Malaẽkat penembẽq niup terompẽtne, make ujan ẽs dait api becampur daraq, selapuqne geriq ojok gumi. Sepertelu gumi bis julat; maraq nike ẽndah sepertelu lẽman leloloan, dait selapuq pupaq saq ijo.

⁸ Terus malaẽkat saq kedue niup terompẽtne, terus araq penggitan maraq ruen sopoq gunung belẽq saq kenyeke nyale tesaut ojok dalem segare. Sepertelu segare berobah jari daraq,

⁹ dait sepertelu lẽman selapuq mahluk lẽq segare matẽ; maraq nike ẽndah sepertelu lẽman kapal-kapal musnah.

¹⁰ Beterus malaẽkat saq ketelu niup terompẽtne, make sopoq bintang saq belẽq, saq nyale maraq obor, geriq lẽman langit, terus nimpe sepertelu lẽman kokoq-kokoq dait pengembulan-pengembulan aiq.

¹¹ (Aran bintang nike "Apsintus".) Make sepertelu lẽman aiq jari pait, dait luwẽq dengan ninggal sẽngaq nginem aiq saq sampun jari pait nike.

¹² Terus malaẽkat keempat niup terompẽtne. Make suare terompẽt nike ngempuk sepertelu lẽman cahaye jelo, sepertelu lẽman bulan, dait sepertelu lẽman bintang-bintang sehingge sepertelu lẽman selapuqne nike jari peteng. Sepertelu lẽman kenjelo ndẽq terang malik dait maraq nike ẽndah sepertelu lẽman kelem.

¹³ Beterus tiang serioq dait dengah sopoq kedit rajewali saq kenyeke kesur lẽq atas langit, bekuih, "Celake! Celake! Celake selapuq dengan lẽq gumi lamun kedengahan suare ketelu terompẽt lainne saq gen tetiup siq ketelu malaẽkat saq lain!"

Wahyu

Video Wahyu 8

Ikuti Kami:

KONTAK | PARTISIPASI | DONASI