Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Lapatao ti Isa olo loloiya mao ode mongomuri-Liyo odiye, ”Woluwo ta kaya ngota o bondahara. Woluwo ta lopodulohu mao ode oliyo deu bondahara boyito ma heloroyali doyi lo ta kaya boyito.

² Lapatao tiyo lotiyangayi bondahara boyito wawu loloiya ode oliyo odiye, ’Woluwo u ilodungoheu tomimbihu huhutumu. Polapuruwa mayi ode olau wolo utula-tuladu, nga'amila u hekarajamu, sababu yio didu pomakeu mowali bondaharau.’

³ Bondahara boyito loloiya to delomo hilaliyo odiye, ’Wolo u ma pohutuwou? Ti tuwani ma mohinggi olau to karaja lo bondahara. Momati wau dila mo'owali, mohile-hile wau molito.

⁴ Otawau wolo u ma pohutuwou wonu wau ma yilinggiliyo mao monto tugasi bondahara boti, alihu woluwo ta mololimo olau motihangata to bele limongoliyo.’

⁵ Lapatao tiyo lotiyangayi ta o biloli to oli tuwaniliyo boyito ngota-ngota. Ode ta bohuliyo tiyo lohintu, ’Ngolo bilolimu to oli tuwaniu?’

⁶ Tawu boyito lolametao odiye, ’Yinula mohetuto bolinggo.’ Bondahara boyito loloiya ode tawu boyito, ’Timao tuladu bilolimu, potihuloa mota wawu lato tulade mao, bilolimu yinula limolopulu lo bolinggo.’

⁷ Lapatao tiyo lohintu ode ta wuwewo poli odiye, ’Wutato, ngolo bilolimu to oli tuwaniu?’ Tawu boyito lolametao, ’Pale mohetuto kado.’ Bondahara boyito loloiya ode tawu boyito odiye, ’Timao tuladu bilolimu wawu tulade mao bilolimu walulopulu lo kado.’

⁸ Ti tuwani boyito lomuji bondahara ta dila banari sababu totaliyo boyito. Manusiya to jamani botiye lebe motota mongurusani urusani wolo manusiya wuwewo popobandingiyo mao wolo tawu ta hitumula to umobango.

⁹ Polele-U mayi ode olimongoli: Pomakeya mao harata to duniya po'otapu limongoli mongosahabati, alihu wonu harata boyito dilalo mo'oturungi, timongoli ma tolimo lo Allahuta'ala to tambati kakali.

¹⁰ Titalotita ta mowali paracayalo to parakara kekeingo, tiyo olo mowali paracayalo to parakara dudulamango; wawu titalotita ta dila banari to parakara kekeingo, tiyo olo dila banari to parakara dudulamango.

¹¹ Wolo uodito, wonu timongoli ma otawa lo tawu dila mowali paracayala mongurusani harata to duniya boti, tatonu ta ma momaracaya mayi olimongoli mongurusani harata monto soroga?

¹² Wawu wonu timongoli ma otawa lo tawu dila mowali paracayala mongurusani harata lo tawu, tatonu ta ma mongohi mayi harata u ma mowali u limongoli lohihilawo?

¹³ Wato ngota dila ponga lo akali momaya ode oli tuwani dulota. Sababu wonu odito, ta ngota ma oyingowaliyo wawu ta ngota otoliangiyo meyambo ta ngota ma haragaliyo wawu ta ngota dila haragaliyo. Timongoli dila mowali momaya ode Allahuta'ala wawu ode harata lo duniya.”

¹⁴ Nga'amila boyito ilodungohe lo tawu-tawuwala ta o pahamu Parisi ta heolalowa lo doyi boyito wawu timongoliyo helolohentea o-Liyo.

¹⁵ Ti Isa loloiya ode olimongoliyo odiye, ”Timongoli hepopobanariya lo batanga limongoli lohihilawo to talu lo tawu, bo Allahuta'ala motota lo u to delomo hila limongoli. Sababu u heanggapuwo lo manusiya oharaga da'a olonuiyo lo Allahuta'ala.

¹⁶ Hukum lo Tawurat wawu kita-kitabiyala lo mongonabi hepopotunggulo lo tawu sambe to jamani li nabi Yahya ta mopopolihuwa. Bo lonteto lomao tawu hepopotunggula lo habari lo Yiladiya lo Allahuta'ala wawu nga'amila tawu hepongusahawa wolo utiotutuwa momaso ode delomiyo.

¹⁷ Lebe gambangi duniya moli popobandingiyo mao wolo bontoa ngobotu to hukum lo Tawurat mowali batali.

¹⁸ Wonu ta lolai ngota motalaki mao dileliyo wawu mao monika wolo tabuwa wuwewo, tiyo lojina; wawu ta lolai ta monika wolo tabuwa ta ma tilalakiliyo mao, tiyo olo lojina.”

¹⁹ Ti Isa loloiya odiye, ”Woluwo ta kaya ngota ta layito kakayini lo kayini moaruti u mahale da'a haragaliyo. Timi'idu dulahu tiyo hemotisanangi lo okokayaliyo.

²⁰ Wawu woluwo olo ta mohhileya ngota tangguliyo te Lazarus, ilanggangiyo lihu-lihu lo bohe. Tiyo bala-balata to talu lo bubunggalo lo ta kaya boyito.

²¹ Ta mohhileya boyito ohila monga ualo hepodudulahuwa mayi monto meja lo ta kaya boyito. Lapatao apula lonao mayi helodelita boheliyo.

²² Lapatao ta mohhileya boyito yilate wawu ma dileloliyo lo mala-malaikatiyalo ole tambati li nabi Ibrahim. Ta kaya boyito olo yilate wawu yilobungiyo.

²³ Tou ta kaya boyito ma siki-sikisa to delomo mawutu, ilontongaliyo mota lonto umolamingo te Lazarus hulo-hulo'o woli nabi Ibrahim.

²⁴ Tiyo loibode mola oli nabi Ibrahim odiye, ’Papa, otolianga mayi watiya! Ahuli pomayi te Lazarus mopolomo mao tunggilo tiyongowa lo olu'uliyo to taluhu wawu mopohehetayi ode dila latiya alihu dila latiya mowali mohuhulo, sababu watiya ma siki-sikisa to delomo tulu botiya!’

²⁵ Bo ti nabi Ibrahim loloiya ode oliyo odiye, ’Walau'u, elayimu pomola tou donggo tumu-tumulo, yio ma lololimo nga'amila u mopiyohu wawu te Lazarus lololimo u moleto. Masatiya tiyo teya ma hehiburuwo lo Allahuta'ala wawu yio ma siki-sikisa.

²⁶ Ngopohiya mao leto to wolota lami wawu yio bua-buadu pangata u dila mowali balangolo, alihu ta monto olami ohila monao mota ode olemu meyalo ta monto olemu ohila monao mayi ode olami dila mowali mobalango!’

²⁷ Tawu boyito loloiya ode li nabi Ibrahim odiye, ’Wonu odito, pohile latiya alihu ti papa mopoahu mao oliyo monao mola ode bele li papa latiya.

²⁸ Sababu donggo woluwo mongowutato latiya limolota. Ahuli mao te Lazarus mola mopoela olimongoliyo, alihu timongoliyo dila momaso mayi olo ode tambati sikisa botiye.’

²⁹ Bo ti nabi Ibrahim loloiya ode oliyo odiye, ’Woluwo to olimongoliyo kita-kitabiyala li nabi Musa wawu kita-kitabiyala lo mongonabi! Hulilomao timongoliyo modungohe poela lo kita-kitabiyala boyito.’

³⁰ Tiyo lolametao odiye, ’Dila cukupu uwito papa Ibrahim! Bo wonu woluwo ta ma yilate mobongu mola wawu monao mao ode olimongoliyo, timongoliyo ma motobati.’

³¹ Loiya li nabi Ibrahim ode oliyo odiye, ’Wonu timongoliyo dila modungohe poela li nabi Musa wawu mongonabi, timongoliyo olo debo ta dila mowali popoyiyakiniyolo openu woluwo tawu ngota mobongu mola monto kuburu mola mopoela olimongoliyo.’”

Lukas

Video Lukas 16

Ikuti Kami:

KONTAK | PARTISIPASI | DONASI