Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sura’ iate lu dio mai kaleku, misa’ to matua, lako simbolong manik ditonno’ sola mintu’ anakna tu tonganna kupakaboro’; sia tae’ naaku manna te, sangadinna mintu’ duka tu to untandaimi tu kamanapparan.

² Tu belanna kamanapparan tonang lan kaleta, sia la urrondongki’ tontong sae lakona.

³ Kamaturu-turuan sia kamamasean sia kamarampasan la urrondongki’ lu dio mai Puang Matua, Ambe’, sia lu dio mai Yesu Kristus, tu AnakNa Ambe’, lan kamanapparan sia pa’kaboro’.

⁴ Lendu’ tongan parannungku, belanna kuappa’mo ba’tu pira-pira anakmi tu umpalolang kalena lan kamanapparan, susitu parenta mangka tatarima dio mai Ambe’.

⁵ E simbolong manik, tangia butung parenta ba’ru kusurasangkomi, sangadinna parenta inang denmo dio kaleta randuk tipamulanna, na totemo kupalaku lako kalemi anta pada siala mase.

⁶ Iamo pa’kaboro’ te, ke umpalolangki’ kaleta unturu’ parentaNa. Iamote tu parenta iato susitu mangka mirangi dio mai tipamulanna, la sipatukomi umpalolang kalemi lan.

⁷ Belanna buda tu to ma’papusa sumalongmo lan lino, tu tae’ naakui kumua iatu Yesu Kristus sae lan a’gan tolino. Iamora te tu pa’papusa sia uali Kristus.

⁸ Kanandai tu kalemi, anna da mikapa’dean tu apa mangkamo takarang, sangadinna kumua nasundun miappa’ tu saro ra’ta’mi.

⁹ Minda-minda palenduran natae’ anna bantang lan pangadaranNa Kristus, tae’ naampui Kapenomban. Apa iatu to bantang lan pangadaran iato, tau iamora to unnampui la Ambe’ iato, la Anak iato.

¹⁰ Iake saei misa’ tau lako kalemi natae’ napangadaran iato nabaa, da mitarimai tama banuammi sia da mibenni passalama’.

¹¹ Belanna minda-minda umbenni passalama’, manassa natamai tu penggauran kadakena.

¹² Tonganna tongan budapa apa la kusurasangkomi, apa tae’ nalan penaangku la ussura’i tinta, sangadinna kurannuan la malena’ mati’ anta sipuduk sipa’kada, dikua anna sundun tu kaparannuanta.

¹³ Mintu’ anakna siulu’mi baine tu ditonno’ umparampo salama’na mati’.

2 Yohanes

Video 2 Yohanes 1

Ikuti Kami:

KONTAK | PARTISIPASI | DONASI