Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Rat negku, seburur lun rayeh — Kuan seburur decur luk pinili' dengan anak-anakneh, luk inanku mawa, idi baken ui mo', iamo' amung-amung luk ngiti luk matu mawa namu,

² ngaceku luk matu ineh lutep bang netau, idi miak ngedengan netau macing ruked-ruked.

³ Do' katu, éi', idi awang ratnan Allah Taman, idi ratnan Yésus Keristus, Anak Taman ineh, ngedengan netau bang luk matu idi awa.

⁴ Ui pelaba awang niat ngaceku ui pangeh nekali' tuda'-tuda' anakmu luk nemaya' luk matu maya' kudeng ukum luk icuk Taman ineh kuan tau.

⁵ Idi nekini, O decur, ui mutuh namu, pad muyuh mawa seburur dengan seburur. Na ui ngayud aceh ukum luk mebaruh kuanmu, iamo' ini ukum luk pangeh ilap tau rat pun-pun.

⁶ Idi ini awa, ieh ineh, do' tau mulun maya' ukum-ukumNeh. Idi ini ukumNeh ineh mepad kudeng luk pangeh pindenger muyuh rat pun-pun, ieh ineh do' muyuh mulun bang awa.

⁷ Mula' lun luk ngeraruh pangeh neremuat iné' aput-aput tana', luk na ngamo Yésus Keristus pangeh nacing mangun ku lemulun. Lemulun ineh ngeraruh nelun, idi ideh ineh bunu' Keristus.

⁸ Ngerawé ratnan burur muyuh sebuleng, pad muyuh na miak ngetutu' anun-anun luk pangeh ilap muyuh ratnan kél muyuh, iamo pad muyuh ngalap tabpar muyuh dengan petap.

⁹ Idé-idé luk na lutep bang bada' Keristus, iamo' luk ngeluun ineh na luk idi Allah kuanneh. Iamo' lemulun luk lutep bang bada' ineh, lemulun ineh luk kuan Taman idi Anak ineh pana'.

¹⁰ Idi kudeng idé lemulun luk macing nemuyuh, idi luk nguit bada' luk baken ratnan ineh, aleg muyuh maré neneh umak ruma' muyuh, idi aleg maré tabi' kuanneh.

¹¹ Ngaceku idé-idé luk maré tabi' kuanneh, ieh mangun ku rurumneh bang kekamenneh luk dat ineh.

¹² Sagan pana' mula' luk belénku nemuyuh, na ui pian ngayud ku geretas idi dawat, iamo' ui merapet macing nemuyuh idi pegayam petutup, pad awang tau meligan peh.

¹³ Anak-anak kinanakmu luk decur luk pinili' maré tabi' kuanmu.

2 Yohanes

Video 2 Yohanes 1

Ikuti Kami:

KONTAK | PARTISIPASI | DONASI