Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Tomala'bihku' to kupuindo' sintong anak! Indo' to napileimo Puang Allataala, na anakkami to kupakamoja' tongan. Na te'da na aku' manda, apa ia ngasan to tau nnissenmo pangngajaran tongan mpakamoja' too kamu', sanga matappa' kamu' lako joo pangngajaran tongan ammituru' tarruhhi. Aku' Yahya mesa' pekaamberan jamaa nnuki'i tee sura'.

² (1:1)

³ Dennaa upa' nabarakka'iki' nakamasei tooki' Ambe' Puang Allataala sola Puangta' Puang Isa Almaseh, Anak Allataala, nabenki' kamasannangan, antaissenni to pangngajaran tongan tasipakamoja' too.

⁴ Ee, indo'! Gaja riona' tongkusa'dingngi kumua den anakkana indo' da'tan nturu' pangngajaran-Na Puang Allataala, susi to mangkamo naparentanki' Puang.

⁵ Ee, indo'! Meta'dana' la sipakamoja'ki' sola ngasan. Ia tee kuuki', tangngia parenta baru, apa mangkamiki' dipauan tontamane' matappa' lako Puang Isa.

⁶ Sipakamoja' battuananna nturu'miki' parenta-Na Puang Allataala. Na ia to parenta misa'dingmo tommimane' matappa', iamo to kumua la da'tan kamu' sipakamoja'.

⁷ Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.

⁸ Iamo joo mijagai meloi to apa kipengkulleimo mpugaukki ammida'tan matappa' lako Puang Isa. Ia ke te'damo mimatappa', te'da milannampa' katuoan melo te'da cappa'na jio mai Puang Allataala.

⁹ Ia to tocia' ngkatappa'i pangngajaran-Na Almaseh apa nakabudairi to pangngajaran laen, te'da ia namesa' penawa sola Puang Allataala. Apa ia to toda'tan nturu' pangngajaran-Na Almaseh, mesa' penawa ia sola Ambe' na Anak.

¹⁰ Jaji, ia ke denni tau ratu, na te'da na pangngajaran-Na Almaseh napangpangngajaran, danggi' mitarimai mentama bolami, na danggi' too ssuju'i.

¹¹ Ia to tossuju'i to tosusi joo, padai tonturu' todai to panggaukan gaja'na.

¹² Gaja budapa to parallu la kupauan kamu', apa mbai la'bi melo ke danggi' omo nadiuki'. Ia ke den naeloranna' Puang la malena' mati', tasipangkada-kada antamario tongan.

¹³ Massallang todai to anakkuremi jio mai sile'tomi baine, to napilei toomo Puang Allataala. Padamo jolo' too.

2 Yohanes

Video 2 Yohanes 1

Ikuti Kami:

KONTAK | PARTISIPASI | DONASI