Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sura ide au hangko iriko Tosaenda to Sarani, kupakatu irio, ina au napileiko Pue Ala, hai i ope-opehe anamu au kupokaahi mpuu. Bara iko pea au mampokaahikau, agayana ope-ope worihe tauna au moisa paturo au tou mampokaahikau.

² Kipokaahikau lawi mampoinalaike paturo au tou, hai paturo au tou iti takingki duuna kamahae-haea.

³ Pue Ala Umanta hai Yesu Kerisitu AnaNa mowatike hangko i kabulana laluNa, motudungiake ahiNa, hai moweike roa ngkatuwo. Ope-ope iti Nawei irikita au mepoinalai i paturo au tou hai au maahi lalunta.

⁴ Matana mpuu lalungku lawi kupohidupaamohe bahangkia anamu inde, hai babehianda moula paturo au tou, nodo au nahawaake Pue Ala Umanta.

⁵ Mewali, kuperapi irio, ina, bona mombepokaahike hadua hai hadua. Au kuuki ide, bara hawa au wou. Hawa ide iami hawa au tahadimi hangko i nguru-nguruna.

⁶ Idemi au rauli ahi: mampeulaike hawana Pue Ala. Hai ide hawaNa au nihadi hangko i nguru-nguruna: hangangaa mombepokaahike.

⁷ I humalele dunia ara bosa topeakalangi au moanti paturo au mepawuli. Barahe mampoinalai kaYesuna Datu Topehompo au mewali manusia. Tauna au nodo, topodongkohe hai iwalinahe Kerisitu.

⁸ Ido hai hangangaa mainga-ingakau, lawi ane nikabaha pepoinalaimi i Pue Yesu, bara ara bunduna pobagongki moanti Ngkora Marasa irikamu. Hangangaa mepoinalai liliukau i Pue, bona i alo pobotusi kahopoa dunia ina nihumba hinangka hurungina pepoinalaimi.

⁹ Ope-ope tauna au morara ntani hangko i paturo au tou hai barahe moula paturona Kerisitu, tauna iti barahe mohintuwu hai Pue Ala. Tauna au moula liliu paturona Kerisitu, ihirami au mohintuwu hai Pue Ala Umanta hai Yesu AnaNa.

¹⁰ Mewali, ane ara guru agama au hawe i boeami au moanti paturo au mosisala hai paturo ide, ineehe nidoko hai ineehe nitarima i lalu soumi.

¹¹ Lawi hema pea au modokohe, motulungi worihe i lalu pobagonda au kadake iti.

¹² Ngkaya mani au kupeinao kupahaweakau, agayana bara kuunde mouki ope-ope i lalu sura ide. Lawi tunggaiaku ina laokau kusondaki, hai ope-ope iti ina kupahaweakau, bona rumihi kamatananta.

¹³ Ngkaya tabea hangko i ope-ope anana halalumu au inde au napilei Pue Ala.

2 Yohanes

Video 2 Yohanes 1

Ikuti Kami:

KONTAK | PARTISIPASI | DONASI