Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kapado mandeh nan dipiliah dek Allah, sarato kabake anak-anak mandeh bagai. Surek ko dari ambo, pamimpin jamaat nan sabana-bana mancintoi mandeh, sarato jo anak-anak mandeh. Bukan hanyo ambo sajo, tapi kasadonyo urang nan tawu jo Allah nan bana, mancintoi pulo.

² Dek karano, Allah manatap di dalam ati kito, sarato ka tatap barado jo kito salamo-lamonyo.

³ Mudah-mudahan kito dibari barakaik, rahmaik, sarato jo aman santoso dek Allah Bapak, sarato jo Isa Almasih Anak Bapak tu. Mudah-mudahan kasadonyo tu, kito miliak-i jo ati nan tuluih sarato jo kasiah.

⁴ Ambo sabana basukocito mangatawui, baraso ado anak-anak mandeh nan iduik manuruik ajaran Allah, bakcando nan lah diparentahkan dek Allah Bapak kabake kito.

⁵ Dek karano itu mandeh, ambo sabana mamintak, supayo kasadonyo kito samo-samo mangasiahi. Nan ambo kamukokan ko bukanlah suatu parentah nan baru; parentah ko lah dibarikan kabake kito, sajak kito mulo-mulo ba iman.

⁶ Mangasiahi, ba arati iduik manuruik parentah-parentah Allah. Parentah nan lah kito danga sajak samulo, iyolah, baraso kito musti iduik sacaro jo kasiah mangasiahi.

⁷ Sambuah panipu lah baserak kian kamari di dunia ko. Inyo adolah urang-urang nan indak ma akui, baraso Isa Almasih datang ka dunie sabagai surang manusia. Urang nan samacam itu adolah panipu, inyo adolah Musuah Isa Almasih.

⁸ Dek karano itu, jagoilah jan sampai kito ka ilangan apo nan lah kami usawokan untuak kito. Ba usawolah supayo kito manarimo dari Allah upah kito kasadonyo.

⁹ Urang nan indak bapacik kabake ajaran Isa Almasih, tapi manyimpang dari apo nan lah di ajakan dek Baliau, mako urang tu indak mampunyoi Allah. Tapi, urang nan lai tatap di dalam ajaran Isa Almasih, ba arati inyo mampunyoi Allah Bapak maupun Anak.

¹⁰ Dek karano itu, jikok ado urang nan tibo mambaritokan kabake kito, ajaran nan indak di ajakan dek Isa Almasih, mako janlah ditarimo urang tu di dalam rumah kito, atau jan lah mambari salam kabake inyo.

¹¹ Dek karano, urang nan mambari salam kabake urang nan bakcando itu, ba arati inyo sato pulo samo-samo jo urang tu, dalam mangarajokan karajo nan jahek.

¹² Sambuah sangaik nan paralu ambo baritawukan kabake kito kasadonyo, tapi rasonyo labiah elok jan malalui surek. Ambo ma arokkan, kok dapek mangunjuangi mandeh sarato jo anak-anak, supayo bisa mangecek lansuang, buliah ati kito sabana-bana basukocito.

¹³ Anak-anak dari dunsanak mandeh nan padusi, nan lah pulo dipiliah Allah, mangirin salam kabake mandeh.

2 Yohanes

Video 2 Yohanes 1

Ikuti Kami:

KONTAK | PARTISIPASI | DONASI