Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sibara kaku sipuoni panei-nei paamian, bulat simanuntu baga ka tubumui te surat néné, kuaké nia ka tubum Ina sipilit Taikamanua, samba leú et ka tubudda tatogam Ina. Iageti tá sarakku manuntu baga ka tubumui, tápoi beri leú et sia siagai katuareman bulat sibulatnia sibara ka Taikamanua leú et, manuntu bagadda ka tubumui.
2 Aipoí ka sia Taikamanua, ai lé nia mukukuddu ka bagat paatuatta, samba mariu-riu lé ikuddu ka talagatta teret buru-burú.
3 Bulé isukat'aké samba ipanguruani sita katet baga samba ibujai sita Ukkui Taikamanua samba Jesus Kristus Togat Ukkui. Bulé ka linat paatuat samba ka nuntut baga tabakkati kam sangamberinia néné.
4 Bulat seget kopet angkat bagakku akuagai kababaradda tatogam Ina sipupaparaboat siripot ngantoman Taikamanua, kelé ka sikuat Ukkui Taikamanua ka tubutta.
5 Oto kalulut néné Ina, bulat paniddogatku ka tubumui, bulé pakaté kam sita baga pasasambatta. Sikuakku ka tubum néné Ina, tá surukat sibau, tápoi amaburúan aituaké ka tubutta ka panandaat atamatonem kam baga peilé.
6 Pakaté baga iaté, muparaboat siripot obaket bagat Taikamanua. Ialeú et surukat siarepmui ka panandaatnia, iaté masikua, bulé nupakaté kam baga pasasambamui.
7 Atusalúan polak putebakatda sipatataju. Sia néné tá ramumuneng'aké ka bagadda kaooi Jesus Kristus ka polak néné bailiu sirimanua. Oto sia néné te oniakenen sipatataju sambat Saggak Kristus.
8 Oto bulat jago kam, buí imapepe sigalaiakenenmai sibailiu puuktunganmui. Bulat besíaké kam bulé nusiló kam sangamberinia upamui sibara ka Taikamanua.
9 Kasei sitaiomet'aké nganturat Kristus, tápoi bagei lé ragagalaiaké, tá kelé singantruakenen Kristus, tá anai sia mubabakkat ka tubut Taikamanua. Tápoi sia geti simariu-riu masiomet'aké nganturat Kristus, ai sia mubabakkat ka tubut Ukkui, samba leú ka tubut Toga.
10 Oto ké ai sia siooi masingantruaké nganturat bagei, tá kelé singantruakenen Kristus, bá sisiló kam sia ka lalepmui; samba bá kakau kam salam ka tubunia.
11 Aipoí sia sipasikakau salam ka tubut sirimanua kelé néné, aratut'aké leú te sia masigalaiaké sikataí.
12 Siripokatnia maigi peilé kuanenku ka matamui; tápoi kelé tá masegé bagakku kutiboi nia ka surat. Bulat aikukakaroni baga ioi kuoi kubalou kam, bulé bulat imagora bagatta.
13 Oto beri sia leú samomoínu Ina sipiliy Taikamanua leú et, segé salamra ka tubum Ina.
2 Yohanes
Video 2 Yohanes 1
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA