Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Hun bangku, sintua in, hubani inang na tarpilih in, ampa dakdanakni, na huhaholongi ibagas hasintongan, seng ahu tumang tene, tapi dihut do haganup na dob mananda hasintongan in,

² halani hasintongan na marianan ibagas hita, anjaha na mangkasomani hita ronsi sadokah ni dokahni.

³ Ihasomani idop ni uhur, parontou ni uhur ampa damei ma hita, humbani Naibata Bapa ampa humbani Jesus Kristus, Anak ni Bapa in, marhitei hasintongan ampa haholongon.

⁴ Malas tumang do uhurhu halani jumpah ahu i tongah-tongah ni anakmu na marparlahou ibagas hasintongan domu hubani titah, na dob ijalo hita humbani Bapa in.

⁵ Anjaha sonari, mangindo ma ahu bamu inang na pinarsangapan, sedo songon titah na baru husuratkon bamu, tapi na dob dong banta humbani mulani do, “Marsihaholongan ma hita samah hita.”

⁶ Anjaha on do holong ni uhur in, ase marparlahou hita domu hubani titah-Ni in. On ma titah in, songon na dob ibogei nasiam humbani mungkahni, ase ibagas ai nasiam marparlahou.

⁷ Ai domma bingkat buei parpodah na kahou roh hu dunia on, na so mangakui Jesus Kristus roh ibagas daging. In ma parpodah na kahou anjaha Antikristus in.

⁸ Jaga nasiam ma diri nasiam, ase ulang magou humbani nasiam na dob hinorjahon nasiam, tapi jumpahan upah na gok ma nasiam.

⁹ Ganup na manadingkon na so totap ibagas pangajaran ni Kristus, seng parrupei ai bani Naibata. Na totap ibagas pangajaran in, in do parrupei bani Bapa in ampa Anak in.

¹⁰ Anggo adong na roh bani nasiam, na so mamboan pangajaran on, ulang ma jalo nasiam ia hu rumah, anjaha ulang ma tabi nasiam ia.

¹¹ Ai barang ise na manabisi, na dihut ma ai bani horja hajahatonni ai.

¹² Buei do namin na sihol suratkononku bani nasiam, tapi seng marosuh uhurhu marhitei kortas ampa tinta tumang, huarap do boi ahu roh manjumpahkon nasiam, ase boi dumpar bohi bei marsahap, ase gok malas ni uhurta.

¹³ Manongos tabi do bamu anak ni saninamu, na tarpilih in.

2 Yohanes

Video 2 Yohanes 1

Ikuti Kami:

KONTAK | PARTISIPASI | DONASI