Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Surat toh bara aku, pamimpin ungkup, akan ije Ibu je iintih awi Hatalla, tuntang akan kare anak Ibu je toto-toto inyintaku. Dia baya aku, tapi oloh samandiai je mangasene Hatalla je bujur, sinta keton kea.

² Basa Hatalla melai huang atei itah, tuntang tantai harajur hinje itah sampai katatahie.

³ Keleh berkat inenga akan itah, asi tuntang kasanang ain Hatalla Bapa, tuntang Yesus Kristus Anak Bapa te. Keleh taloh samandiai te ihaga itah hapan atei je tinduh-barasih tuntang hapan sinta.

⁴ Aku hanjak toto mangatawan awi aton kare Ibu je belom manumon auh ajar Hatalla, sama kilau je irentah Hatalla Bapa akan itah.

⁵ Awi te, Ibu, aku balaku nyame-nyame uka itah handiai hasinta sama arep. Taloh je insanangku toh dia ie parentah je taheta; parentah toh jari inenga akan itah bara metoh solake itah percaya.

⁶ Hasinta te rimae belom manumon parentah Hatalla. Tuntang parentah je jari ihining keton bara solake iete keton musti belom hasinta sama arep keton.

⁷ Are oloh pananjaro jari tayap akan hapus kalunen. Ewen te kare oloh je dia mangaku Yesus Kristus dumah akan kalunen kilau ije biti olon. Oloh je kilau te pananjaro, tuntang musoh Kristus.

⁸ Tagal te, haga arep keton, ela sampai nihau bara keton taloh je jari inggau ikei akan keton. Keleh manggau jalan uka keton manarima salepah upah keton bara Hatalla.

⁹ Oloh je dia mahaga auh ajar Kristus, tapi mahiwang bara taloh je iajar awi Kristus, ain oloh te jaton Hatalla. Oloh je tetep huang auh ajar Kristus, rimae ain oloh te aton Hatalla Bapa tuntang Anak.

¹⁰ Tagal te, amon aton oloh dumah tuntang mambarita akan keton auh ajar je dia iajar awi Kristus, ela manarima oloh te intu human keton, atawa hatabe dengae.

¹¹ Basa oloh je manabe oloh kilau te, omba kea sama kilau oloh te malalus gawi je papa.

¹² Are toto taloh je patut handak insanangku akan keton, tapi angate labih bahalap ela mahalau surat. Aku harap uka tau maja manalih tuntang hakotak kabuat dengan keton, mangat atei itah toto-toto hanjak.

¹³ Kare anak ain paharin Ibu je bawi, pahari je iintih kea awi Hatalla, mampait tabe akan Ibu.

2 Yohanes

Video 2 Yohanes 1

Ikuti Kami:

KONTAK | PARTISIPASI | DONASI