Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ko'i Inaí inta aim pinilií i Allah bo ko'i adiínya mita inta kinotabiku. Surat tana'a nongkon inakoí, tobatuí itoi in jama'at inta totu-totu'u motabi ko'i monimu. De'emanbií tongaí aku'oi im motabi ko'i monimu, ta'e bayonganbií doman intau inta totu-totu'udon nonota'au ko'i Allah.
2 Sing ki Allah umurandon nogutun kom bonu ing gina naton, bo Sia in umuranbií doman kotaki-takin naton.
3 Po'igumon makow, totabi, barakat bo kobiagan motompia nongkon i Allah, ki Amaí naton bo nongkon i Yesus Kristus ki Adií-Nya umuran doman kotaki-takin naton. Igumon makow tua, komintan mo'ulií naton intua takin gina motulid bo takin tabi.
4 Nosanangdon totok ing ginaku nokota'aumai kon oyuíon ing ki adií mita i Inaí in nobiag podudui in totunduí mita i Allah, naí inta pinoki aid i Allah Amaí ko'i naton.
5 Tuamai, Inaí po'igumonkudon totok simbaí kita komintan umurandon mositabian. Onu im pinogumanku tana'a de'emanbií parentah mobagu; parentah tana'a aim bidon inogoi ko'i naton wakutu ing kita bagupa nopirisaya.
6 Aka kita motabi ko'i Allah yo mustibií dumudui kom bayongan parentah-Nya. Na'a im parentah tatua: Mo'ikow musti umuran mobiag mositabian tobatuí bo tobatuí.
7 Tana'a makow nobayongdon kon dunia na'a in intau inta motunduí kon diaí totu'u. Mosia tua in intau inta diaí mopirisaya kong ki Yesus Kristus namangoidon in dunia na'a saḷaku intau. Intau natua i mongo'uboḷ, bo saturu i Kristus.
8 Sin tuamai, mokopo'ingat simbaí mo'ikow diaí kobulian onu inta ain iramiji nami sing kopontingan monimu. Poramijidon totok simbaí mo'ikow motarima kon tontulií im bayongan inta ain inaidanmu.
9 Intau inta diaí kinumadai kon onu inta ain sinunduí i Kristus, sedang bo sinumabat kon onu inta ain sinunduí i Kristus, yo ki Allah in diaíbií kom bonu ing gina intau tatua. Ta'e intau inta umuran kinumadai kon onu inta sinunduí i Kristus, yo sia tua in umuran doman nopirisaya ko'i Amaí andeka ko'i Adií-Nya.
10 Sin tuamai aka oyuíon in intau mamangoi ko'i monimu bo mopota'au in totunduí inta diaí sinunduí i Kristus, yo dika ogoi in sia tumu'ot kom bonu im baḷoimu bo dona'ai doman mobogoi in salam ko'inia.
11 Sin intau inta mobogoi in salam kon intau naí tua, yo noyopopogdon noyotakin intau tatua nogaid kon inta mora'at.
12 Mobayongpa im pogumanku ko'i Inaí, ta'e mopia-piabií kon de'eman tongaí pongin surat. Haraponku makow tua, aku'oi mota'aupa mayak mokipodungkuḷ ko'i monimu bo mongonguman moyogintayowan makow monimu, simbaí gina naton totu-totu'udon moḷunganga.
13 Ki adií mita i utat bobay i Inaí inta pinilií doman i Allah, nokidia doman in salam ko'i Inaí.
2 Yohanes
Video 2 Yohanes 1
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA