Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Salingou kaitaurika nakisingano-nganono 'o jamati 'isinoimika, la yaki'isene 'o pamaretaka de 'o koa-koanika, de yamoteke 'okia sonaa yaowa-owa 'iodumu.

² Nakisidemoka la 'uwa yosigurubungu bolo yomakangamo de nago'ona bato, la 'ena yomasidi-diai. 'Ona salingou manga singina 'ima'ai 'o nyawa 'iodumika.

³ Sababu ma sira ngone mita pohaga-haga, poliba, de koposingounuwa ma Jo'oungu ma Dutuka. Ngone 'inaparetano 'o nyafisuu 'i'ini-'inioka, ngone po'ahu de nanga niati 'ito-torou, de 'o daleana, de 'o kadu'uduku moi de moi.

⁴ Ngaro koge'ena ma, gee ma 'orasi ya'adono, de ma Jo'oungu ma Dutu gee wonasilaha-laha wosidumutu 'awi dora de 'awi singina ma 'ofi ngoneno.

⁵ 'Una wonasilaha, ge'ena bukangi la ngone padiaiokau yaowa-owa, ma 'ena sababu 'una ma sirete wonasibosono. 'Una wonasilaha ma ngekomo 'o Ngomasa 'Itebi-tebini ma manarama. 'Ena 'inadiai nanga singina 'itebini, ge'ena la pamada nanga di-diai 'ito-torou de positagali 'o 'ahu 'iti-tiai matero ka 'o nyawa 'asa kayolahiruku.

⁶ Ma Jo'oungu ma Dutu 'awi Ngomasa 'Itebi-tebini wosiguti ngoneku kawonakula, ma ngekomo ma Yesus Kristus, ma Koana Wonasilaha-laha.

⁷ La de 'o Yesus 'awi singina ma 'ofi, ngone pomarimoioli de ma Jo'oungu ma Dutu de ngone pomadamake 'o 'ahu 'ika-kakali gee ngone pongano-nganonou.

⁸ 'O demo ge'ena 'itiai ma sala. So ngoi tomau ngona nosimaigoungu ge'ena, la 'o nyawa gee yongaku-ngaku ma Jo'oungu ma Dutuka ma gou-goungu yomariwo ma ngale yadiai 'o manarama gee yaowa-owa de 'iba-baraguna 'o nyawa 'iodumika.

⁹ Nomasikurutu 'o kaributu gee ma faedaa koi'iwa-'iwa, 'o jarita ma ngale 'o 'asali, 'o gangamo ma ngale 'o besesongo gee 'o Musa wositota-totara yomaributu. Ge'ena 'iodumu ma faedaa koi'iwa.

¹⁰ 'O nyawa gee yotigi-tigi so 'o kadi-dingaka 'idadi 'o jamatioka, salingou nakitawanono ma modidioni, ma nako koyomaogoruwa ge'ena 'uwau nogiamanai de de 'ona.

¹¹ Ngona nanako 'o nyawa koge'ena-'ena, ge'ena posironga yolibaka. De manga di-diai ge'ena 'isiwaiti 'ato 'ona yosowono.

¹² 'O Artemas bolo 'o Tikhikus takisulokoka yotagi ngonaka, ka gee yototarika de notaginou ngoino 'o Nikopolisoka, sababu ngoi 'ai singinaka dua tomanoa kadoka sigado 'o 'alo de 'o rato ma 'orasi 'ipasa.

¹³ Gee 'o Zenas 'o hukumu woba-barija gu'una de 'o Apolos yotagi yosigila manga do-dagi, tanu ngona nakiriwo nosigou-gounguku la 'okia naga gee yoparaluu manga do-dagioka ge'ena koyakisidukuranguwa.

¹⁴ 'O nyawa yongaku-ngaku salingou yomasibiasa yodiai 'o barangi ma owa, la 'idadi yositotomo 'okia naga gee 'o nyawa yopa-paraluu. 'Uwa sigado 'ona yo'ahu ma faedaa koi'iwa.

¹⁵ Nanga 'esa moi gee nongoka dau de de ngoi, yoodumu manga tabea yosidingoto ngonaka. Nositotara 'amia tabea nanga ma-manaika gee ka 'o ngo-ngaku moi. Tanu ma Jou winisibarakati ngini 'Esa moi nioodumu. Ngoi 'o Paulus, tinitabea!

Titus

Video Titus 3

Ikuti Kami:

KONTAK | PARTISIPASI | DONASI