Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Paul᷊ike wue ral᷊ohon jamaatu tadeạu i sire hinong pakasasuměllung su manga těmbonangu jamạatẹ̌ dingangu těmbonangu kawanua, matuhụ dingangu makěhagẹ̌ su měkoạ apam mapia e.
2 Pẹ̌berako si sire u kumbahangbe i sire mapakaral᷊aị arengu wal᷊ine arau mẹ̌darendehẹ̌ dingangi sai-sai, kaiso měngkai mahimumu. Karimạkọ i sire měngkai masasikome naung i sire su kěbị taumata.
3 U kạngerẹ e i kitẹ kai wodo, nipal᷊idẹ̌, dingangu tawe tumatuhụ. I kitẹ e kai nakoạ ěllangu kal᷊awọu haghing abul᷊i ringangu ěnning mạdunia; i kitẹ e mẹ̌bẹ̌biahẹ̌ su ral᷊ungu karal᷊amuhụ dingangu sasingking dingangu l᷊ai mẹ̌bẹ̌bawinsị sěmbaụ dingangu wal᷊ine.
4 Kai Mawu Ruata e Měngangambang si kitẹ e nělahẹu kakěndagẹ̌ dingangu kapian naung'E si kitẹ.
5 I Sie něngambang si kitẹ, bal᷊inewe ual᷊ingu i kitẹ e seng nẹ̌koạ mapia, kaiso kawe ual᷊ingu i Sie hala kiměndagi kitẹ. I Sie mapakasal᷊amati kitẹ ual᷊ingu Rohkẹ̌ u Ruata, měngonggọ si kitẹ kal᷊aiwantelẹ̌ buhu ringangu pẹ̌bawiahẹ̌ buhu ual᷊ingu panganguhasẹ̌ si kitẹ.
6 Mawu Ruata e naměmbingu Rohkẹ̌'E e si kitẹ bọ'i Yesus Kristus, Datun Sal᷊amati kitẹ,
7 tadeạu ual᷊ingu tatal᷊ěntụ i Yesus, i kitẹ saụ mẹ̌sěngkapian Duata ringangu i kitẹ makahombang pẹ̌bawiahẹ̌ tutune ringangu kakalẹ̌ lẹ̌antiwang i kitẹ.
8 Bawera ini e mambeng kahěnga-hěngang. Iạ e mapulu tadeạu i kau e pẹ̌tengkatoghasẹ̌ su patikụ ene e tadeạu taumata mạngimang su Mawu e kahěnga-hěngang mẹ̌tawakal᷊i sěngapang botonge mẹ̌koạ hal᷊ẹ̌ mapapia ringangu piạ gunane waugu patikụ umatẹ̌.
9 Pěnggeako wọu pẹ̌daral᷊iang mohong tawẹ manga gunane, mẹ̌bawẹ̌keng asal᷊ẹ̌, pẹ̌bawawěsohẹ̌ dingangu pẹ̌daral᷊iang tiahang agama. Kěbị-kěbị e tawẹ gunane ringangu tawẹ untunge.
10 Taumata makạkạděntan pẹ̌sasitori su ral᷊ungu jamaatẹ̌ e, riọko sěngkul᷊e sěnsul᷊e ruan sul᷊e; bọu ene e kumbahangbe mẹ̌dal᷊ahapị i sie.
11 I kau e masingkạ u taumata kerene e mambeng bagal᷊ẹ̌ dingangu wọu patikụ dal᷊awange mělẹ̌lahẹu i sie nẹ̌sal᷊a.
12 Tạ kararěngụe wọuten iạ něndolohi Artemas arau i Tikhikus suanunue, děntako pakarol᷊ạ sol᷊ong anuku su Nikopolis, batụu iạ lụol᷊angu matanạ sene karěngụ u musungu wanua matěho.
13 Sumbalai wue pakapia i Zenas mapapanden toratẹ̌ e, rěduang Apolos, tadeạu wotongewe i sire makapẹ̌buạ dingangu tawe kakawusangu apa-apa.
14 Taumatang kitẹ e harusẹ̌be měmpangěndung měmpẹ̌koạ mapia tadeạu makaghanapẹ̌be patikụ pandungang sẹ̌sal᷊imaekang. Kumbahangbue i sire sarang mẹ̌biahẹ̌ tawẹ gunane.
15 Kẹ̌bị anạ u sěmbaụ apan dingangku e, něndohon tabeạ si kau. Habarẹ̌ko tabeạ i kami su manga hapị i kitẹ tamba pangangimang. Mal᷊owọko Mawu e měngal᷊amatẹ̌ si kamene kěbị. Adat'i kami, Paulus
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA