Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali patiendoka tau to mangaya nja’u ria see sira taa mangewa songka mpomarenta pasi tau to mangawakil pomarenta. Pamporani i mPue Allah sira mangaluluka songka mpomarenta pasi mangika palaong to matao ri kabuya ndayanya.
2 To’oka seja sira taa matao manto’o maja’a sa’e, pasi taa seja matao ane batingka bara makasar magombo resi sa’e. Ika to manoto pasi to matao resi tau samparia.
3 Apa kita to mangaya, tempo kita tawa mangaya seore, tempo etu kita tawa seja mangansani mangkonong i Pue Allah. Kita mangewa songka i mPue Allah pasi porenta ntau. Kita tempo etu ratipu, taa tansani jaya to monso. Pasi kita nakuasang mpamporani ndaya ngkita to maja’a. Wali nempo palaong to maja’a kita mangika, ane mampakasanang koro ngkita, kita mangika. Pasi pampobuuka ngkita tempo etu sangkani maja’a pasi kaloo. Kita sangkani maja’a takita sa’e, pasi sa’e maja’a nakita kita. Ewa see lengko ngkita tempo etu.
4 Pei nempo ewa see kaja’anya lengko ngkita, i Pue Allah, to Pansompo ngkita, Ia mampaponsanika kita kanotoNya pasi pamporayangiNya resi kita.
5 Wali Ia mampalaes kita. Naka pei Ia mampalaes kita apa Ia mamporayang kita, si’a apa saba kita mangika palaong to masipato raika. Ia mampakayongo raya ngkita see tonii ngkita datuwu, pasi i Nosa Mapasing mangawali katuwu ngkita pasi raya ngkita. Etu semo jaya i mPue Allah mampalaes kita.
6 Wali saba palaong i Yesu Kerisitu, to Pansompo ngkita, see naka i Pue Allah mangawaika i Nosa Mapasing yako ri kabuya ndayaNya ma’i maroo ri raya ngkita damangansawang kita.
7 Wali i Pue Allah mangawaika kita i Nosa Mapasing see kita maya mangantima katuwu to singkasaenya, to roomo naparajanjika i mPue Allah kita. Kita mangantima katuwu to singkasaenya etu apa i Pue Allah manoto, Ia manganto’o kita tare dosanta.
8 Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.
9 Pei ne’e masibanta resi tau mangkonong anu to tare batuanginya pasi mangkonong potapi mbiyaa nto lino. Pasi ne’e seja masibanta pasi mampotingkang resi tau mangkonong porenta i Musa. Ne’e mangika palaong to ewa wetu apa to etu taa mampakaroso raya ntau to mangaya pasi taa kojo re’e batuanginya.
10 Wali ane re’e yunu ngkorom to sangkani mangabanta sa’e, see naka tau to mangaya tamo masingkatao samba’a pei samba’a, seko ia see ia mandoo mangika palaong to ewa see. Ane taa naaya, seko wo’u sangkani. Ane taa wo’u naaya, panewa pakalongko yako resi ia.
11 Apa korom nunsani tau to ewa wetu lengkonya, room mambali yau pampobuukanya mawali maja’a. Pasi ia jamo mangika dosa. Wali yako palaong to naika etu mampakanasaka ia madosa.
12 Wali mangkonong songka to si aku si’i-si’i, aku mampokauka i Artemas bara i Tikhikus dayau resi komi. Ane ratamo nja’u resi komi, liwu kojo jaya mampago aku nja’u kota Nikopolis. Apa songkangku ane ratamo tempo loto aku damaroo ruyu nja’u ria.
13 Pasi mangkonong i Apolos sira dua to pobotus, i Senas, to damayoko yako resi komi, sawang kojo sira see gana to danapake tempo ri raya mpalinjanya.
14 Pasi patundeka tau to mangaya nja’u ria see sira madota kojo mangika palaong to matao, see sira maya mangansawang tau to taa kojo gana to danapake nsira. Pasi ane sira madota kojo mangika palaong to matao, bae batuanginya katuwu nsira.
15 Wali samparia tau to re’e siwaka pei aku, sira rani aku manganto’oka korom sira taa mangkalingan korom. Pasi kami taa seja mangkalingan yunu mami nja’u ria to mamporayang kami apa samba’a pangaya. Wali to’oka sira kami taa mangkalingan sira. Wali aku mamporapika resi i Pue see Ia mampaponsanika komi samparia kanotoNya. Ungkanyamo ruyu gombo si’i.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA