Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ "Na mamatõrõ Lowalangi andrõ, ba hulõ gamaedola da'e: So samõsa niha sokhõ kabu nagu, sofanõ sahulõ wongi ba wangalui niha sohalõw̃õ ba kabu nagu khõnia.

² Me no fao dõdõra wanema gazi sambua rufia firõ ma'õkhõ samõsa, ifatenge ira wohalõw̃õ ba kabu nagu khõnia.

³ Mato bõzi siw̃a sahulõ wongi, mofanõ zui zokhõ kabu andrõ, i'ila niha si lõ halõhalõw̃õ ba fasa.

⁴ Imane khõra, 'Mi'ae'e mohalõw̃õ ba kabu nagu khõgu. Ba ube'e zinangea gazimi.'

⁵ Ba mõi gõi ira. Bõzi felendrua laluo ba bõzi tõlu tanõ owi, mõi baero zui zokhõ kabu andrõ ba wangalui sohalõw̃õ ba kabu nagunia.

⁶ Mato bõzi lima tanõ owi, i'ila zui niha si lõ halõw̃õ. Isofu khõra, 'Hana wa muziozio manõ ami ma'õma'õkhõ ba da'e lõ halõhalõw̃õ?'

⁷ Latema linia niha andrõ, 'Lõ hadõi same'e halõw̃õ khõma.' Imane sokhõ kabu andrõ, 'Na si manõ, mi'ae'e mohalõw̃õ ba kabu nagu khõgu.'

⁸ Me arakha bongi, muhede zokhõ kabu khõ mandru sohalõw̃õ khõnia imane, 'Kaoni ndra sohalõw̃õ ba be'e gazira zamõsana, i'otarai zafuria so numalõ ba zi fõfõna so.'

⁹ Tohare zohalõw̃õ si so me bõzi lima tanõ owi, latema gazira sambua rufia firõ.

¹⁰ Ba tohare gõi zohalõw̃õ i'otarai zahulõ wongi. Lamane tõdõra, manema ita tõra moroi andrõ. Ba hiza sa tebe'e khõra sambua rufia firõ gõi.

¹¹ Me latema gefe andrõ, mukõkõkõkõ ira khõ zokhõ kabu.

¹² Lamane, 'Ha sambua za wohalõw̃õ ndra niha safuria so, ba ma'õma'õkhõ mohalõw̃õ ndra'aga ba zino siriririri, ba hiza fagõlõ zinemama.'

¹³ Itema lira sokhõ kabu, 'He talifusõ, lõ nilaugu si lõ sõkhi khõmi. Hadia, lõ si fao dõdõmi ba wanema gazi sambua rufia firõ ma'õkhõ?

¹⁴ Mihalõ gazimi andre ba mi'ofanõ. Nilau dõdõgu wame'e gazi zafuria so andrõ fagõlõ ba gazimi.

¹⁵ Hadia, tebai ufalua zomasi dõdõgu ba zi so khõgu? Ma zui lõ fao dõdõmi, na uhakhõsi tõdõ niha bõ'õ?'"

¹⁶ Itohugõ wanguma'õ zui Yesu, "Si manõ gõi: safuria tobali si fõfõna, ba si fõfõna tobali safuria dania."

¹⁷ Me mõi Yesu ba Yeruzalema, ba dalu lala Ikaoni ndra nifahaõ-Nia ena'õ la'owuloi ira. Imane khõra,

¹⁸ "Mifondrondrongo! Numalõ ita iada'e ba Yeruzalema. Ba da'õ dania tebe'e Nono Niha ba danga ndra ere sebua, ba ba danga zangila amakhoita ba niha Yehuda. Ba la'etu'õ huku famunu khõ-Nia.

¹⁹ Aefa da'õ ba labe'e Ia ba danga niha si tenga niha Yahudi. La'o'aya dania Ia, lafakao ba laforõfa. Ba hiza, ba ngaluo si tõlu ifuli auri Ia."

²⁰ Aefa da'õ la'ondrasi Yesu wo'omo Zebedai'o awõ ndraononia. Mangalulu ia fõna Yesu, so ni'andrõnia.

²¹ Isofu khõnia Yesu, "He Ina, hadia zomasi'õ?" Itema li-Nia ira alawe andrõ, "Omasido na iraonogu andre si darua dumadao ba gabera-U samõsa ba ba gambõlõ-U samõsa na tobali dania Ndra'ugõ Razo."

²² Imane khõra Yesu, "Lõ mi'ila hadia ia ni'andrõmi. Hadia, tola fao ami wamadu õsi mako andrõ nibadu-Gu?" Latema li, "Tola!"

²³ Imane Yesu, "Mibadu sa dania nõsi mako andrõ khõ-Gu. Ba hiza, sanandrõsa ba wangiagõ ba gambõlõ ba ma ba gabera-Gu, tenga Ya'o zangahonogõi da'õ. Naha andrõ tebe'e ba niha si no Ihonogõi Ama-Gu."

²⁴ Me larongo ira nifahaõ si dafulu da'õ ba mofõnu sibai ira ba zi fatalifusõ si darua andrõ.

²⁵ Bõrõ da'õ Ikaoni ira fefu Yesu, Imane, "No mi'ila wa dozi samatõrõ soi si lõ fa'aboto ba dõdõ Lowalangi ba lafakao nono mbanuara. Ba dozi salaw̃a khõra lafakiko nono mbanua.

²⁶ Ba tenga si manõ khõmi. Na so ba gotaluami zomasi ebua, ba akha tobali ia ngoningonimi.

²⁷ Ba na so ba gotaluami zomasi mõi fõna, akha tobali ia sawuyumi.

²⁸ Si manõ gõi Nono Niha, tenga si mõi mangoni, no si mõi enoni, ba Itehegõ mate Ia ba wangefa'õ niha sato."

²⁹ Me larõi Yerikho, ato niha solo'õ Yesu.

³⁰ Ba zinga lala so darua niha sau'a si dadao. Me larongo Itõrõ Yesu, mu'ao ira lamane, "Ono Dawido, hakhõsi tõdõ ndra'aga!"

³¹ Mofõnu niha sato andrõ khõra ba law̃a'õ khõra ena'õ lahonogõ ira. Ba lafuli mu'ao ebua lira, "He Tuha, Ono Dawido, hakhõsi tõdõ ndra'aga!"

³² Ibatogõ Ia Yesu ba Ikaoni ira. Isofu khõra, "Hadia zomasi ami Ufalua khõmi?"

³³ Lamane wanema li, "He Tuha, omasi ndra'aga ma'ila niha!"

³⁴ Ahakhõ dõdõ Yesu ira, andrõ wa Ibabaya hõrõra. I'anema'õ la'ila niha. Ba la'o'õ Yesu.

Matius

Video Matius 20

Ikuti Kami:

KONTAK | PARTISIPASI | DONASI