Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ge'enaka de 'o Farisioka 'o bolu moi de 'o 'agamaka yodoto-dotoko yamuruo naga 'o Yerusalemuno, yaino 'o Yesusino yosano,

² "'Ido'oa so ni do-domoteke yaparene to ngone nanga edete de nanga dotumu manga 'adati? Gee yo'odomo ma 'isira ko manga giamuwa ya'isoko."

³ 'O Yesus wosango, "'Ido'oa so ngini ma Jo'oungu ma Dutu wi pareta niaparene, de niosilamo-lamo ka nia edete de nia dotumu manga 'adati?

⁴ Sababu ma Jo'oungu ma Dutu wongose, 'Niakihoromati nia dea de nia 'esa, de nago'ona yakisibobeto manga balusika, 'ona salingou yakihukumu yakiso-songene.'

⁵ Ma ngini niosidotoko 'ato, 'Koido'oawa nia balusu koniakikalesanguwa sababu nia kia sonaa niokulakau ma Jouka.'

⁶ Koge'enau niodiai ngini niamao koiparaluuwau niakihoromati nia balusu. So ma sababu nia edete de nia dotumu manga 'adati, ngini koniosikiamoiwau ma Jo'oungu ma Dutu wi demo.

⁷ Tei, ngini tabangeluku! Yadae-daene monga 'okia naga 'o Yesaya wosidemokau ma sirasi ma ngale ngini.

⁸ 'O Yesaya wosidemo konee: 'Ma Jo'oungu ma Dutu wongose 'ato 'o nyawa no'ona yosuba ngoino duga ka manga 'uru ma kaioka, ma manga singina 'ena 'imasikurutu ngoioka.

⁹ Ma faedaa koi'iwa 'ona yosuba ngoino, sababu 'ona yodotoko 'o nyawa ma 'atorangi, de yongose 'ato to ngoi 'ai 'atorangi.'"

¹⁰ Ge'enaka de 'o Yesus waki'asokino 'o nyawa yoku-kudai de wakidongose, "Niosigisene la niasahe!

¹¹ Gee 'iwosama nanga 'uruoko ge'ena koinasimediruwa; de gedagee 'okia naga 'isupu nanga 'urude, ge'enau 'inasimediri."

¹² Ge'enaka de 'o Yesus wi do-domoteke yoboa de yosidemo 'unaka, "'Aba, nanakokau? 'o Farisioka yomadegese ma ngale gee yo'isenoka nobi-bicara?"

¹³ 'O Yesus wosango, "'O joro moi-moi gee ko 'ai Deawa 'o sorogaaka wotuduku, dua yarapuku.

¹⁴ 'O Farisioka ge'ena 'uwa niakisigisenika. 'Ona ge'ena 'o ma-malingi 'ipilo-piloko, so nako 'o nyawa yopilo-piloko yakituda 'o nyawa yopilo-piloko, ge'ena dua yomasidootaka 'o guruuku."

¹⁵ 'O Petrus wongose, "'Aba, yaowa minisisahenosi 'o 'ade-'ade ge'ena!"

¹⁶ 'O Yesus wosango, "So ge'ena ngini mita koniasahewasi?

¹⁷ Konianakowasi? 'okia naga gee 'iwosama nanga 'uruoko de 'itotara nanga pokoruku 'asa deika 'isupuoli?

¹⁸ Ma gee 'isupu nanga 'urude ge'ena 'o singinano 'ibaoro; de ge'enau 'inasimediri.

¹⁹ Sababu 'o singinano 'ibaoro 'o di-dibangi 'ito-torou, ge'enau 'isidadi 'o do'oma, 'o songou, 'o ga'angara, 'o dosiki, 'o sakisii ma ngeluku de 'o sikagurubungu.

²⁰ Ma hali ge'enau 'o nyawa yakisimediri, ma gee yo'odomo de manga giama koya'isokuwa ge'ena ko'uwa."

²¹ Ge'enaka de 'o Yesus wamada ma daeraa ge'ena, de wosikaoko 'o daeraa gee 'o Tirus de 'o Sidon ma kota ma dateoko.

²² Ma daeraaka ge'ena, 'o Kanaan ma nyawa mimoi moboa 'o Yesusino de mo'aso-'asoko, "Ee! Dautu wi Ngowaka, noisingina ngoi! 'Ai ngowaka motoroukou 'o tokata mialiti so."

²³ 'O Yesus ka ma eta ma kowosangowa munaka. Ge'enaka de 'o Yesus wi do-domoteke yaika 'o Yesusika yoga'asoko, "'Aba, nosuloko la 'o ngeweka gumuna motagikau. Muna kamonamote-moteke de kamomasigaso-gasoko mi 'ilingi kadakuoko!"

²⁴ 'O Yesus wosango, "Ngoi 'isuloko takiriwo duga ka 'o Israel ma nyawaka gee yoliba-liba."

²⁵ 'O ngeweka gumuna 'o Yesus wi bionoka maino motalibukuku de mongose, "'Aba, noiriwo ngoi!"

²⁶ Duga 'o Yesus wosango, "Koyadaenuwa 'o ngowa-ngowaka manga 'inomo de 'o kasoka podukula."

²⁷ 'O ngeweka gumuna mosango, "Ma goungu ge'ena, 'Aba, duga 'o kaso mita ya'odomo 'o 'inomo 'itota-totauku ma dutu wi amaka ma timioka."

²⁸ Ge'enaka de 'o Yesus wongose, "'Esa, 'ani ngo-ngaku ma guatoka, so madaka la 'idadi gee 'okia naga ngona nomau!" Kage'ena ma 'orasi mita de 'o ngeweka gumuna mi ngowaka 'isanangiokau.

²⁹ 'O Yesus wamada ma ngii ge'ena, de wotagi wanonu 'o Galilea ma talaga ma batingino. Ge'enaka de wosau 'o gigiede, de wogogerieu ge'enaka.

³⁰ 'O nyawa manga gudai yoboa 'unano, yaki'asano yoliga-liga, yopilo-piloko, yolugu-lugu, yomou-mou, de manga gudaiosi manga panyake 'iregu. Yopa-panyake yoodumu go'ona yakinoaku 'o Yesus wi bionoka, de wakisilaha.

³¹ 'O nyawa yoku-kudai ge'enaka gee yoherangi ma sala, gedagee yakimake yomou-mou 'idadi yobicara, yoliga-liga koyoligawau, yolugu-lugu 'idadi yotagi, de yopilo-piloko yomasimakekau. Ge'enaka de 'ona wisiarene 'o Israeloka manga Jo'oungu ma Dutu.

³² Ge'enaka de 'o Yesus wi do-domoteke waki'asokino de wongose, "Takisingina 'o nyawa yoku-kudai no'ona. 'O wange sa'angenou 'ona de de ngoi, de ma 'orasi ne'ena to 'ona manga 'inomo koi'iwau. Ngoi tooluku 'ona yolio de manga pokoro ma doda 'uwa. 'Uwa sigado 'o ngekomoka naga de kayopusa."

³³ Ge'enaka de 'o Yesus wi do-domoteke yongose 'unaka, "'O ngii 'imatinga-tingakinoka ne'ena de kiano pamake 'o 'inomo la pakisi'odomo 'o nyawa manga gudai no'ona?"

³⁴ 'O Yesus wosano, "Nia roti ngai muruoka naga?" 'Ona yosango, "Ngai tumudiingoka de 'o naoko ma di-dingoono ngai muruoka naga."

³⁵ Ge'enaka de 'o Yesus wosuloko yoku-kudai go'ona 'o tonaoka yogogerie.

³⁶ De ma roti ngai tumudiingi de ma naoko ge'ena wa'ese, de wosi'amalaha ma Jo'oungu ma Dutude. Ge'enaka de waeta-eta, deika wokula wi do-domoteika so yosibula-bula 'o nyawa yoku-kudaika.

³⁷ Yoodumu go'ona yo'odomo yakikokipunusoka, de 'o Yesus wi do-domoteke yatoomu ma 'inomo ma baili, 'o pa'udi 'ila-laagomo tumudiingi 'i'oma-'omanga.

³⁸ Ma 'orasi ge'ena yo'odomo ka 'o nau-naurosi yacaana soatou, koyakidoimuawasi 'o nge-ngeweka de 'o ngowa-ngowaka.

³⁹ Ge'enaka de 'o Yesus wakisuloko yoku-kudai go'ona yokokilio. 'Una 'o ngo'otiruku woparene de wosikaika 'o Magadan ma daeraaka.

Matius

Video Matius 15

Ikuti Kami:

KONTAK | PARTISIPASI | DONASI