Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ 'Esa moi riaka dodoto, ne'ena ngoi tomau tabicara ma ngale ma Yesus Kristus to ngone nanga Jou dua woboali. De gee dua ngone wonatoomu ma ngale pogogere de de 'una, so ngoi toga'asoko tosigou-gounguku nginika naneda:

² 'Uwa kaitaiti nia singina 'ikapula de niododato, ma ngale naga 'o nyawa yosihabari 'ato ma Jou Yesus Woboali ma Wange ya'adonokau. Poilia naga munuka yongose 'ato 'o habari ge'ena 'o Ngomasa 'Itebi-tebinino, bolo naga 'o do-dotoko moino, bolo naga yongose bari ngomi miolefoku naga mia surati moi ma dodaka.

³ 'Uwa nimasidabika 'o nyawa nisihaga ngaro kokia naga bato ma jako ma. Sababu ma Jou Yesus Woboali ma Wange ya'adono, ge'ena salingou 'isira 'idadiokasi 'o nyawa manga gudai 'asa wimadakau ma Kristus de wimoi gee womalawa-lawani ma Jo'oungu ma Dutuka 'asa womasidumutu. 'O Nyawa ma Dorou gu'una ma raiokau wotorouoka.

⁴ 'Una 'asa womalawani ma Jo'oungu ma Dutuka, de wongose 'ato 'una 'ifoloi wokuasa de gee 'o nyawa yasuba-suba 'iodumu, bolo 'o gikiri 'iodumu gee 'o nyawa yadiai manga Jo'oungu ma Dutu. De 'una 'asa wogogerie ma Jo'oungu ma Dutu 'awi Woa ma dodaka de wosikawasa 'ato 'una ge'ena ma Jo'oungu ma Dutu.

⁵ Ma raiokau kaniongano-nganono 'iodumu ge'ena gee tinisidemokau ma 'orasi ngoi ka de de nginiosi 'o Tesalonikaka.

⁶ De ngini nianakokau 'okia gee ma 'orasi ne'ena naga witahanikasi 'o Nyawa ma Dorou gu'una. 'O Nyawa ma Dorou gu'una 'asa womasidumutu gee ma 'orasi ma Jo'oungu ma Dutu wositatapuokau ya'adono.

⁷ 'Una wokuruekau wodiai 'o dorou kawosigi-gi'iunu, sababu witaha-tahani nagasi. Ma dua gee ma 'orasi ya'adono 'ena gee witaha-tahani gee ma Jo'oungu ma Dutu wa'aikokau,

⁸ 'asa de 'o Nyawa ma Dorou gu'una womasidumutu. So dua gee ma Jou Yesus woboali, 'una 'asa wito'oma 'o Nyawa ma Dorouka gu'una kawidangaara, de wibinasa de 'awi bo-boa ma kumati.

⁹ 'O Nyawa ma Dorou gu'una 'asa womasidumutu de 'o kuasa 'o Tokata ma Koanino. 'Una 'asa wodiai 'o no-nako 'ihera-herangi 'i'ini-'inioka de 'o hali 'ila-laagomo la 'o nyawa wakisihaga.

¹⁰ 'Una 'asa wakisihaga 'o nyawa-nyawa de 'o dorou 'irupa-rupaka la wakisiliba 'o nyawa gee salingou dua yobinasa. 'Ona 'asa yobinasa sababu yaitomo de koyoduakuwa 'o habari 'iti-tiai ma ngale ma Jou Yesus gee 'idadi yakisilaha.

¹¹ Ge'enau so ma Jo'oungu ma Dutu wakikula 'o kuasa gee yakisiliba-liba, so 'ona yangaku 'okia naga gee ko ma gounguwa.

¹² So 'o nyawa 'iodumu gee yoduaka 'o sowono yodiai de koyangakuwa 'o habari 'iti-tiaika ma ngale ma Jou Yesus, 'asa yakihukumu.

¹³ 'Esa moi riaka dodoto ma Jou winisiboso-bosono! Ngomi kaitaurika salingou mio'amalaha ma Jo'oungu ma Dutuka sababu ngini, ngano ka ma guruenosi ma Jo'oungu ma Dutu winiirikokau ma ngale nisilaha. Ge'ena 'idadi sababu 'o Ngomasa 'Itebi-tebini 'imanarama nginioka, la nidiai niodadi ma Jo'oungu ma Dutu wi kawasa, de sababu niongaku 'o habari 'iti-tiai ma Jo'oungu ma Dutuno.

¹⁴ Ma ngale ge'enau ma Jo'oungu ma Dutu wini'asoko ma ngekomo 'o Habari ma Owa gee miositota-totara nginika. Ma Jo'oungu ma Dutu wini'asoko ngini, sababu 'una womau ngini mita niamao to ngone nanga Jou Yesus Kristus 'awi kumati.

¹⁵ Ge'enau so 'Esa moi riaka dodoto, salingou 'ania ngo-ngaku 'ikua-kuata de nimasiga-gao ma gou-goungu 'o do-dotoko 'iti-tiaika gee miositota-totarokau nginika, ma 'orasi miodotoko de miobi-bicara bolo de miasurati.

¹⁶ Tanu ma Yesus Kristus to ngone nanga Jou, de ma Jo'oungu ma Dutu to ngone nanga Dea, nisikuata nia singina la ngini 'idadi niomanarama de niositotara 'okia naga gee yaowa-owa. Sababu ma Jo'oungu ma Dutu wonasibosono de sababu 'awi singina ma sure, so wonakula 'o ngo-ngaru kaisi'ado-'adonika de 'o singina nganono yaowa-owa.

¹⁷ (2:16)

2 Tesalonika

Video 2 Tesalonika 2

Ikuti Kami:

KONTAK | PARTISIPASI | DONASI