Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Mengenai kerauhan Junjungante Saq Mulie Deside Isa Almasih, dait mengenai ite saq gen tekumpulang jari ndot bareng kance Ie, niki saq sanget siq tiang pade tunas lẽman side pade:

² Ndaq becat-becat bingung dait osah lantaran araq berite bahwe jelo Tuhan sampun rauh. Sang berite nike asalne lẽman roh, raos dengan, atao surat saq maraqne lẽman tiang pade.

³ Ndaq alurang dengan miaq side pade jari sesat siq care napi juaq. Sẽngaq sendẽqman Jelo nike dateng, juluan harus telaksane maraq niki: Luwẽq dengan murtat, dait manusie durhake saq harus tebinaseang gen metitoqang diriqne.

⁴ Siq sombongne ie gen ngelawan dait atasang diriqne lẽman selapuq saq tesembah atao selapuq dẽwe saq teanggep Allah siq manusie. Malahan ie gen tokol lẽq dalem Gedẽng Allah, dait nyatayang diriqne sebagẽ Allah.

⁵ Napi side ndẽq inget bahwe tiang sampun kereng badaq selapuqne nike sewaktu tiang masih araq bareng kance side pade?

⁶ Dait mangkin side pade nenaoq napi saq nahen ie, sehingge ie baruq gen nyatayang diriq lẽq waktu saq sampun tetentuang tipaq ie.

⁷ Sẽngaq secare rahasie kedurhakean sampun mulai bekarye, laguq mangkin masih araq saq nahen. Laguq ẽraq lamun saq nahen ie nike sampun tesingkirang,

⁸ lẽq waktu nike si pendurhake baruq gen nyatayang diriqne, laguq Junjungan Saq Mulie Deside Isa gen nyematẽq ie siq napas-Ne dait gen ngemusnahang ie, lamun Ie rauh malik.

⁹ Kedatengan si pendurhake nike pegawẽan Belis, dait gen tebarengin macem-macem kuase, tande dait muqjizat saq palsu.

¹⁰ Ie gen kadu segale macem tipu muslihat saq jahat jari nyesatang dengan-dengan saq gen binase. Ie pade gen binase sẽngaq ie pade ndẽq nerimaq kebenaran dait ndẽq ngasihin kebenaran saq bau nyelametang ie pade.

¹¹ Dait lantaran hal nike Allah datengang tipaq ie pade sopoq kuase saq nyesatang, sehingge ie pade percaye lẽq hal-hal saq duste,

¹² adẽq tehukum selapuq dengan saq ndẽq percaye tipaq kebenaran dait saq seneng lẽq kejahatan.

¹³ Semeton senamian saq tekasihin siq Tuhan! Tiang pade harus tetep ngucapang syukur tipaq Allah mengenai side pade. Sẽngaq lẽman penembẽqne Allah sampun pilẽq side pade jari teselametang langan penyucian saq telaksaneang siq Roh dait langan iman lẽq dalem kebenaran.

¹⁴ Jari hal nike Allah ngemanikang side pade langan Kabar Solah saq tiang pade beriteang tipaq side pade, adẽq side pade milu ngeraseang kemuliean Junjungante Saq Mulie Deside Isa Almasih.

¹⁵ Keranaq nike, semeton senamian, side harus kuat dait kukuh dait tetep percaye lẽq pengajahan-pengajahan saq sampun tiang pade sampẽang tipaq side, secare langsung atao kadu tulisan.

¹⁶ Moge-moge, Junjungante Saq Mulie Deside Isa Almasih, dait Allah, Bapante, saq lẽq dalem rahmat-Ne sampun ngasihin ite dait sampun ngicanin penghiburan saq kekel dait pengharepan saq solah tipaq ite,

¹⁷ ngibur dait neguqang atẽnde lẽq dalem pegawẽan dait ucapan saq solah.

2 Tesalonika

Video 2 Tesalonika 2

Ikuti Kami:

KONTAK | PARTISIPASI | DONASI