Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sanandrõsa ba we'aso Zo'aya ya'ita Yesu Keriso, awõ zanandrõsa ba wangowuloi-Nia ya'ita dania ba wefao khõ-Nia, da'e zabõlõ si'ai u'andrõ khõmi:
2 Bõi aõsõ mangiwa dõdõmi ba abu dõdõmi, bõrõ me so duria wa no irugi inõtõ wangawuli Zo'aya Yesu. Lõ tatu duria da'õ, hadia soroi ba wama'ele'õ, ba ma soroi ba wamahaõ bõ'õ; ba tola manõ gõi so niha sanguma'õ, wa no irai masura zi manõ bakha ba zurama.
3 Ba gofu hewisa ia, bõi ya mufaelungu ami niha. Bõrõ me fatua lõ tohare Luo da'õ, lõ tola lõ ofõna ua alua ngawalõ da'e: Ato dania niha sondrõi Keriso, ba maoso dania Niha Si Lõ Sõkhi andrõ si no muhonogõi numalõ ba narako.
4 Ba wayaw̃asa i'uduni fefu hadia ia dania, ba i'ebua'õ dõinia yaw̃a nifosumange niha fefu, ba ma yaw̃a ni'olowalangigõ niha nifotõira Lowalangi. Dumadao dania ia na'i ba Nomo Lowalangi, i'ombakha'õ ba niha sato fefu wa Lowalangi ia.
5 Mitõrõ tõdõmi, wa no irai uw̃a'õ khõmi da'õ fefu, me luo so nasa ndra'o khõmi.
6 Ba no mi'ila hadia zomba'agõ irege lõ alua fefu da'õ iada'e. Ba ginõtõ si no Ihonogõi Lowalangi dania, maoso Niha Si Lõ Sõkhi andrõ.
7 Fa'abõlõ sangohalõw̃õgõi si lõ sõkhi andrõ no mohalõhalõw̃õ ba zi lõ oroma, no teba'aba'agõ nasa. Na no muheta dania zomba'agõ andrõ,
8 awena oroma Niha Si Lõ Sõkhi andrõ. Ba na tohare dania So'aya Yesu, Ya'ia zamunu Niha andrõ si fao hanuhanu soroi mbawa-Nia, ba Ifakiko Niha andrõ Zo'aya Yesu si fao lakhõmi we'aso-Nia.
9 Kuaso sebua moroi khõ Gafõkha zama'aso Niha Si Lõ Sõkhi andrõ. I'a'asogõ dania fefu ngawalõ dandra ba ila'ila safõnu faya.
10 I'oguna'õ dania fefu ngawalõ walimosa ba wamaelungu niha sedõna tekiko. Nihuku ira dania bõrõ me lõ latema awõ wa lõ omasi ira duria sindruhu andrõ si otarai Lowalangi sangorifi ya'ira.
11 Da'õ mbõrõ wa Ifa'aso khõra Lowalangi wa'abõlõ samaelungu, irege faduhu dõdõra ba zi lõ duhu andrõ.
12 Lualuania, fefu niha somasi horõ ba si lõ faduhu tõdõ ba zindruhu andrõ, ba nihuku dania.
13 Ya'ami ira talifusõ ni'omasi'õ Zo'aya! Lõ mamalõmalõ mangandrõ saohagõlõ ndra'aga khõ Lowalangi sanandrõsa ba khõmi, bõrõ me i'otarai mbõrõta no Itutuyu ami Lowalangi ba wangorifi. Alua zi manõ bõrõ Geheha Lowalangi sohalõw̃õ ba khõmi, ba wombali'õ ya'ami banua Lowalangi ni'amoni'õ, ba bõrõ me mamati ami ba duria sindruhu andrõ si otarai Lowalangi.
14 Ba da'õ Ikaoni ami Lowalangi ba Duria Somuso Dõdõ andrõ nituriaigõma khõmi. Lowalangi zogaoni ya'ami, bõrõ me omasi Ia ena'õ fao ami wanandra lakhõmi Zo'aya ya'ita Yesu Keriso.
15 Bõrõ da'õ, ya'ami ira talifusõ, bõi farõi ami ba mi'a'aro'õ ami ba wamahaõ andrõ si no mafaha'õ ya'ami, he niw̃a'õ faoma li, ba he nisura.
16 Ya So'aya ya'ita Yesu Keriso samõsa, ba Lowalangi Amada zondrara tõdõmi ba sanga'aro'õ tõdõmi, ena'õ tola mi'ohalõw̃õgõigõ ba mituriaigõ zi sõkhi. Bõrõ me I'omasi'õ ita Lowalangi ba fa'asõkhi dõdõ-Nia zondrara tõdõda awõ wa Ifofanõtõna ita si sõkhi.
17 (2:16)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA