Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Manga anạ u sěmbaụ dal᷊ohon jamaat'u Tesalonika, nakoạ dal᷊ohon jamaatu Mawu Ruata i Amang i kitẹ e ringangu Mawu Yesus Kristus! I kami těllu, i Paulus, Silas dingangi Timotius,
2 ghụgahiorọu karimạko Ruata i Amang dingangu Mawu Yesus Kristus měngonggọu al᷊amatẹ̌ dingangu karal᷊unsemahẹ̌ si kamene.
3 Manga anạ u sěmbaụ, i kami e mang hinong hanesẹ̌ makitarimakasẹ su Mawu Kasěllahenge ual᷊ingu i kamene. Kụ mambeng hinone i kami e mẹ̌koạ kerene, u i kamene mangkeng kạpahuntinambane mangimang si Kristus, ringangu i kamene mangkeng mẹ̌kakakěndagẹ̌ sěmbaụ dingangu wal᷊ine.
4 Kai ene hakịu kawe unụe i kami e měngkai mạhumbisarang kamene sěntiniạ tempo, i kami mẹ̌tiwo manga jamaat'u Mawu. Dingangu karal᷊uasẹ̌ i kami mẹ̌běkeng kamene u tatapẹ̌be makuatẹ̌ mangimang si Kristus su ral᷊ungu tatingkaị dingangu tatumbiagẹ̌ kẹ̌kahombangeng i kamene.
5 Kụ seng sini e nal᷊ahẹ u apạ e kạadile pělahukung u Ruata: I kamene seng nasunsara ual᷊ingu Runian Duata Wuhu, kụ ual᷊ingu ene i kamene sarung i rekengbe makakasowa su ral᷊unge.
6 Mawu Ruata e mẹ̌karadiahangu kạadilẹ̌. I Sie kai sarung měmal᷊isu susa su taumata apan napakasusang kamene.
7 Dingangu si kamene kụ apang orasẹ̌ ini e lụlahunsusa -- kerene lai si kami e -- Ruata e kai sarung měngonggọu wawal᷊ise iapasindạ su tempon Mawu Yesus mẹ̌těngkatodẹ, lumintụ bọu sorga ringangu manga malaekate makawasa,
8 ringangu putunge kạpahunděllị e. I Sie lumintụ měhukungu taumata tawe mapulu makakiral᷊a Mawu Kasěllahenge ringangu tawe tumuhụ habaru Injilẹ̌ mạanun Yesus Mawung kitẹ.
9 Manga umatẹ̌ ene sarung makatarimạ u hukumangu kawawinasa sarang marěngụ-děngụ, irěmmẹ sol᷊ong likude wọu ghal᷊ipohom Mawu e ringangu wọu kawasan'E kụ mawantugẹ̌ e;
10 patikụ ene sarung mariadi su ěllo i Sie marěnta kapia mẹ̌deạu raloěngu kěbị taumata mangimang. I kamene lai sarungbe ene sutal᷊oarang umatu Mawu e, u i kamene seng nangimang hengetang ilẹ̌habari kami e si kamene.
11 Kai ual᷊ingu ene hakịu i kami e měngkate hanesẹ̌ mẹ̌kẹ̌kal᷊iomaneng i kamene. I kami e mẹ̌kẹ̌kal᷊iomaneng tadeạu Mawu Ruata makakariading kamene e wotonge makapẹ̌biahẹ̌ tumuhụ kapulun'E; kụ kai waugu ene e i Sie nẹ̌kui si kamene. Karimạko Mawu Ruata e, ringangu kawasan'E makawatụ kapulun'E waugu mẹ̌koạ mapia, ringangu měnukụ kěbị munara kinoạ i kamene ual᷊ingu mangimang si Kristus.
12 Hakịu ene Mawung kitẹ i Yesus wẹ̌bantugang ual᷊ingu i kamene, dingangu i kamene mal᷊aing bẹ̌bantugang kahian Yesus něnggạeng kapian naungu Ruatang kitẹ dingangu Mawung kitẹ i Yesus Kristus.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA