Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Syedara-syedara jeumaáh nyang na di Tesalonika, nyang jeuet keu umat Allah Bapak geutanyoe Tuhan Isa Almaseh! Kamoe, na kheueh Paulus, Silas dan Timotius
2 meuharab seumoga Allah Bapak dan Tuhan Isa Almaseh geubri beureukat dan seujahteura ubak gata mandum.
3 Syedara-syedara, kamoe sabe wajéb kamoe peugah teurimong gaséh ubak Allah sabab gata. Dan beutôi kapatot kamoe peubuet meunan, sabab gata seumaken meuiman ubak Almaseh, dan gata seumaken tagaséh sidroe ngon nyang laén.
4 Nyang kheueh sabab jih pakon kamoe meututoe keuhai gata tieb-tieb watée kamoe jak saweue jeumaáh-jeumaáh Allah. Deungon bangga kamoe calitra pakriban gata teutab teugoh seutia gata meuiman ubak Almaseh lam keuadaan keunong iélanya dan deurita nyang gata rasa.
5 Dan inoe kheueh deuh nyata padubna ade jih huköman Allah: Gata ka meudeurita sabab Donya Barô Allah, dan sabab nyan gata teuma teuanggab patot gata tamong lam nyan.
6 Gobnyan geupeubuet peue nyang ade, dan teuma geubalaih deurita keu ureuëng nyang peujeuet gata meudeurita.
7 Dan ubak gata nyang ka jeuet bak watée nyoe meudeurita !!-- meunan cit teuma ateueh kamoe !!-- Allah teuma geubri keuleugaan nibak uroe Tuhan Isa geutron nibak syeuruga dan geupeuleumah droe Gobnyan ngon malaikat-malaikat Geuh nyang peukasa
8 dan ngon apui nyang hu meuháb-háb. Gobnyan geutron keu geujak huköm ureuëng-ureuëng nyang hana jipako keu Po teu Allah dan nyang hana jitem udeb sisuai ngon Haba Gét keuhai Isa Tuhan geutanyoe.
9 Ureuëng-ureuëng nyan teuma jiteurimong huköman keubinasaan siumu masa, geutiek uluwa nibak lingkongan Tuhan dan nibak kuasa Gobnyan nyang agong;
10 banmandum nyan teuma teujadi nibak uroe Gobnyan teuka singoh keujiagong lé umat Gobnyan dan keu jihoreumat lé mandum ureuëng nyang meuiman. Gata pi teuma na lamkawan umat Allah nyan, sabab gata katapatéh ubak haba nyang kamoe peutrok keugata.
11 Nyang kheueh sabab jih kamoe sabe meudoá keugata. Kamoe meudoá mangat Allah geupeujeuet gata patot keu udeb lagée nyang geulakée; keu nyan kheueh Gobnyan geutawök gata. Seumoga Allah, ngon kuasa Gobnyan, teupeupeunoh keuheundak Gobnyan keu teupeubuet nyang jroh, dan teupeusampoereuna banmandum buet nyang gata peubuet sabab meuiman ubak Almaseh.
12 Deungon lagéenyan, Tuhan geutanyoe Isa tapeuagong lé gata, dan gata pih geupeu agong lé Isa sabab keugét até Po teu Allah geutanyoe dan Tuhan Isa Almaseh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA