Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utatku mita jama'at inta kon Tesalonika, inta ain nobalií umat i Allah ki Amaí naton bo umat i Tuhan Yesus Kristus! Kami toḷu, ki Paulus, ki Silas bo ki Timotius
2 umuran mopo'igum makow in doaí simbaí ki Allah ki Amaí naton bo ki Tuhan Yesus Kristus mobogoi im barakat bo kobiagan motompia ko'i monimu komintan.
3 Nobalií bidon kowajiban nami mopoyaput in sukur ko'i Allah lantaran mo'ikow. O,o patusbií intua aidan nami sim pirisaya monimu ko'i Kristus tantuí kodugang-kodugang bo tabi monimu kon tumpaḷa intau moḷoben domandon.
4 Tuamai mo'ikow umuran o'umanon nami kon jama'at mita inta kinobaya'an nami. Mosanang totok ing gina nami mongonguman kon soaáḷ kororoton im pirisaya monimu ko'i Kristus, umpakah pogutuíon bo koaíntugan roriga.
5 Bo nonyatadon kon na'a kom moaídilbií totok im pononantuí i Allah. Lantaran mo'ikow bo nobiagdon nororiga sin lantaran noramiji tumu'ot kon dunia nobagu i Allah, daí mo'ikow patusdon tumu'ot kon dunia tatua.
6 Onu inta irai i Allah moaídil daí tua in aidan-Nya, bo tuliían-Nya in intau inta mopoyoyigamai ko'i monimu.
7 Bo ko'inimu inta tana'a makow noyoyiga -- natua doman ko'inami, ki Allah monginggamaíbií kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nya mita inta mongotorindog
8 bo takin tuḷudoman tuḷu inta kodoko-dokot. Sia mamangoi mohukum kon intau mita inta diaí mopirisaya ko'i Allah bo inta doií mokidongog kon Habar Mopia i Yesus Kristus ki Tuhan naton.
9 Mosia na'a inta motarima kon hukuman mokoyoyang modapot kopaḷutannya bo ḷumbuíon koyayuíon nongkon tayowon i Tuhan bo nongkon kawasa-Nya inta moḷoben.
10 Tua komintan im mobalií kon singgai koaíngoian-Nya kowakutu im poḷantudon umat-Nya in Sia bo hormaton im bayongan intau inta mopirisaya ko'i-Nia. Mo'ikow nion im moyotakinbií doman umat mita i Allah tatua sim mo'ikow nopirisaya kon habar inta pinoyaput nami ko'i monimu.
11 Tuamai tantuí sambayangan nami im mo'ikow. Umuran po'igumon nami simbaí baliíon i Allah umat-Nya im mo'ikow, umat inta patus mobiag podudui ing ko'ibog-Nya. Tuabií im mangale pinogoiniían-Nya ko'i monimu. Igumon makow tua ki Allah takin kawasa-Nya mogintompod kon ibog monimu mogaid kon inta mopia, mogintompod doman kom bayongan oaíidan inta inaidan monimu pinodoyon kom pirisaya ko'i Kristus.
12 Aid monimu tatua aindon nopoḷantud ko'i Tuhan naton ki Yesus Kristus, sahingga im mo'ikow poḷantudon doman i Tuhan Yesus lantaran pia ing gina i Allah naton bo i Tuhan Yesus Kristus.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA