Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Puari-puari jemaah di Tesalonika, sai jadi umat-Ni Allah Bapa ram rik Tuhan Isa Almasih! Sekam, yakdo Paulus, Silas rik Timotius

² ngeharap semoga Allah Bapa rik Tuhan Isa Almasih ngeni berkat rik sejahtera jama keti.

³ Puari-puari, sekam selalu wajib ngucapko terima kasih jama Allah mani keti. Rik sangun sepatutni sekam bebuat injuk reno, mani keti makin percaya jama Almasih, rik keti makin mengasihi peperda keti.

⁴ Udido sebabni mengapi sekam cawa tentang keti unggal sekam napol jemaah-jemaah-Ni Allah. Sekam bangga nyeritako injuk repa keti tetap kuat percaya jama Almasih di delom penganiayaan rik penderitaan sai keti alami.

⁵ Rik di dijado keliakan hara adilni penghakiman-Ni Allah: Keti radu menderita ulihni Dunia Ampai Allah, rik ulihni seno keti haga dianggap layak untuk kuruk mik delomni.

⁶ Ia haga ngelakuko api sai adil, rik haga ngebalosko penderitaan jama jelma sai nyani keti menderita.

⁷ Rik jama niku sai tano inji menderita -- injuk reno juga jama sekam -- Allah haga ngeniko kelegaan waktu rani Tuhan Isa regah jak surga rik ngeliakko diri-Ni jama malaikat-malaikat sai perkasa,

⁸ rik jama apui sai menyala-nyala. Ia regah untuk ngehukum jelma-jelma sai mak mempeduliko Allah rik sai mak haga hurik nutuk Kabar Betik tentang Isa Tuhan ram.

⁹ Jelma-jelma ano haga nerima hukuman kebinasaan selama-lamani, ditokko mik luah lingkungan Tuhan rik jak kuasa-Ni sai agung;

¹⁰ sunyinni ano haga tejadi waktu rani Ia ratong kanah untuk diagungko ulih umat-Ni rik untuk dihormati ulih sunyin jelma sai percaya. Keti pun haga wat di hantara umat-Ni Allah udi, mani keti radu percaya jama kabar sai sekam sampaiko jama niku.

¹¹ Udi sebabni sekam selalu ngeduako keti. Sekam bedua in Allah ngejadiko keti layak untuk hurik nutuk kehaga-Ni; untuk udido Ia ngurau keti. Semoga Allah, jama kuasa-Ni, memenuhi kemirakanmu untuk ngelakuko sai betik, rik nyempurnako sunyinni guai sai keti lakuko mani percaya jama Almasih.

¹² Jama injuk reno Tuhan ram Isa diagungko ulih keti, rik keti pun diagungko ulih Isa mani betik-Ni hati Allah ram rik Tuhan Isa Almasih.

2 Tesalonika

Video 2 Tesalonika 1

Ikuti Kami:

KONTAK | PARTISIPASI | DONASI