Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Do' amung lemulun luk mangun ku demulun ngedita' lun rayehdeh, pad na nguyo ngadan Allah idi bada' tau.
2 Demulun luk inan lun rayeh luk manu, aleg ngebeneh nedeh, ngaceku ideh ineh kinanakdeh. Iamo' do' ideh meluun kél ngasa' nedeh, ngaceku lemulun luk uendeh ngasa' ineh lun manu luk inandeh mawa. Kudeng ineh teh iko mada' idi ngecuk.
3 Kudeng idé-idé lemulun mada' bada' luk baken idi luk na petulu dengan bala luk matu, ieh ineh bala Tuhan tau Yésus Keristus, idi bada' luk macing inan baya' kuan Allah,
4 idi ieh ineh lemulun luk ngerayeh bururneh dengan na kali' anun-anun. Ieh pelaba ucet pesaad idi pekedaluh ratnan bala, idi ngacing ét niat, kedaluh, kuyo, idi tuda'-tuda' terawé luk dat,
5 kedaluh lemulun luk na mileh ngerawé, idi luk na kali' luk matu. Idi bang terawédeh baya' ineh mangun ku aceh dalan ngalap tabpar.
6 Iamo' baya' dengan mawang niat, ieh ineh maré peruan luk rayeh.
7 Tau na nguit anun-anun semuet bang tana' ini. Ngaceku ineh tau na miak nguit anun-anun remuat teh.
8 Iamo' kudeng tau inan akan idi ayung, do' tau mawang niat ku ineh.
9 Iamo' lemulun luk sikal mangun ku lun do', mebpeh bang tutun idi mekaneh abpung, ieh ineh lili luk mebacé idi luk ngacing susa', luk nerem lemulun bang usag idi até.
10 Ngaceku lili inan usin, ieh ineh aceh uat amung-amung luk dat; idi inan lemulun luk pangeh nenganau' kudeng ini, pad ideh rinaruh ratnan anu idi nengalap bang bururdeh mula' susa'.
11 Iamo' iko ini, O demulun Allah, ngado bururmu ratnan amung-amung ineh, idi nakap luk matu, baya', anu, awa, ulai niat, idi niat luk do'.
12 Do' mekél dengan matu bang bunu' anu, idi ngimet ulun luk meruked luk inanmu pangeh tinawar kareb iko pangeh nengamo sebuleng amo luk do' pa kiung mula' lemulun luk nekali'.
13 Ui periteteng namu pa kiung Allah luk ngulun luk amung-amung, idi pa kiung Keristus Yésus luk nemaré kali' ratnan amo luk do' pa kiung Pontius Pilatus.
14 Do' iko maya' ukum ineh dengan na mesala' idi melutak pad acing Tuhan tau Yésus Keristus.
15 Bang kareb luk petulu acingNeh miak ruen Allah ngacing, ieh ineh Lun luk Ngimet luk sebuleng idi luk buren, ieh ineh Raca' pa luun amung-amung raca', idi Tuhan pa luun amung-amung tuan.
16 Ieh sebuleng mo' na miak maté. Ieh tudo bang acang luk na miak mesier, luk na tu-tu sinier idi luk na miak siren seburur lemulun. Amung-amung ubur idi lalud kuanNeh, ruked-ruked! Amin.
17 Do' mada' kuan amung-amung lemulun luk lun do' bang tana' ini, pad ideh na medita' niat, idi aleg ideh merapet ku binaweh luk na meruked ineh. Iamo' do' ideh merapet inan Allah luk maré anun-anun kuan tau dengan mela pad niat tau mawang.
18 Ngecuk nedeh nganau' luk do', pad kekamendeh luk do' ineh amé' mula'. Dengan méi' idi mekatu do' ideh maré kuan lun baken.
19 Dengan luk kudeng ineh ideh ngamung binaweh luk mangun ku tapin muci, pad ideh miak ngalap ulun luk matu ineh.
20 O Timotius, matar amung-amung luk biré kuanmu, idi ngatad bururmu ratnan bala luk neraruh luk mo'-mo', idi terawé ratnan "ileh" luk baken ileh luk matu.
21 Ngaceku inan lemulun luk ngamo bururdeh mileh, iamo' ngaceku ineh ideh pangeh neraruh ratnan anu. Idi katu Allah ngedengan nemuyuh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA