Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Allah hime fanowon inowen Ele ine roho hiyag nisaruk lit: Nin fobik welamuhupteg ap eke wene fanowon embeselug setanen hiyag isaruk ane holuhupteg funggalem un ke laruk lamuhup.
2 Setan arimano ap enele sibiling-sibiling ane uruk inap enenggelem toho wereg lit inindimu enehangge reg lit ap fanowon inindimu nina feseruk.
3 Mun angge man angge Allahn eneg wal tibag angge famen iren hiyap wa fug uruk lit naruk angge winon na fug ulug komo eneptuk. Komo eneptuk angge famen Allah fam tem toho wenggel haruk lit wene fanowon onoluk inaben naruk angge Allah fam sembahyang ulug naruk lamuhup ulug Allahn wal tibag.
4 Allahn og nisarisi ulug Ubam sembahyang uruk lit mun angge man angge Allahn wal tibahon fanowon eneg werehen misig oho siyag ulug umbusuk fug teg puhup.
5 Mun angge man angge Aren og nisarukon arimano sembahyang urukmu Allahn saliyohap nisaruk.
6 Anden ihiyon obog toho aru iren wenggel haruk lamuhuben nonori komo eneptuk laruhunmu Yesus Kristus amingmingangge fanowon hag toho welaruhun. Ari roho wereg lit Allah ubam wenggel haruk lahen ane alem men wene pikit toho hiyag hutukmu haren tem toho perikinon men seneg laruhun.
7 Ap kinangmonen uruk asuwit siyahon ari holuk fug. Allah ubam wenggeltuk ane hinggarehen milal taruk laruhun.
8 "Hininggarehen peruk ane fam milaltukon ari saplangge turuk lahep. Allah fam wenggeltuk ane milal tarukon ariyen fano welam teg. Allah fam wenggel harukon arimano onoluk wereg li oho war amuhupteg welamuhup li oho Allahn fanowap enebuhuk ulug sali imbibag."
9 Aben enele urukon ari tem toho urukmu ap anggolowen holukag.
10 Niren ari hiyahakukon fahet asengseng toho yami ruruk lahe. Allah oluk werehon inowen ap obog toho windar eneptuk lit atamtam At ubam wenggel harukon windar eneptisiyon inowen nit sen nenesug laruhu peruk lahe.
11 Obog toho ari hiyag isaruk lit komo eneptuk laruhun.
12 Komo eneptuk laruhunmu hat fahet malik toronen uruk ane hiyag nisaruk ulug pulup habuhup fug. Allah umalikisi werehon sehelimu hat wirimangge hag toho wereg lit hambilik fam hele uruk lit hinggik fam turuk lit hindi enesug lit Allah ubam hindimuwen wenggel haruk lit fano ane turuk lit weregma aben yet hiyahup.
13 An hat hambeg wam fugmu haren likiya hupmu hasukun fano roho wene Alkitab fam haharehon uruk lit weneman ap hiyag isaruk lit ikma wambuhubon milal eneptuk laruhun.
14 Hat unduhuk hubaharusa sambil nabi itanowen Allahn hat hubam tuhuk peruk ane hiyag hutusama penatua arimanowen ininggik hunggulmu emberukmu Allah hime fanowon inowen hineyap haptisi angge famen hasukun siyag toho tuk fug angge welaruhun fug.
15 Ihiyon obog toho ari hindimu holuk toho wenggel haruk lit it sehelimu fano welaruhunmu it arimanowen yet hiyahupteg hun ari undaman anggolo wenggel haruk ulug onoluk aruhu.
16 Haren hiyag isaruk lit hinggareg fahet sap teg lit hiyag isaruk laruhun. Obog toho ari hine roho senetuk laruhunon ariyen hinggareg fanowap taruk lit hele holtukon eke fanowap eneptuk laruhun.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA