Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bulat maron aisiblaaké nia Ketsat Sipunenan. Aikua ka gogoi sibabara, ai sia sangasilá igidda sirimanua sisik-sik tei-teina, rakaddiuaké Kristus, raei masitut'aké nga-ngan ketsat sipasipepepeaké sia samba nganturat ketsat sikataí,
2 sisegéakenenda siriamanua sipatataju ka pabokoatda. Aipoí teu-teu baga sikukuddu ka bagat paatuatda, amagep-gep'an.
3 Rangantruaké ka tubudda sirimanua, buí raputalimou, samba buí rakom kan sikokoiakenen. Oto aibaraaké nia Taikamanua kan néné, komen lé, kelé pasikukuadda surá ka tubunia ka sia simatonem baga ka tubut Kristus samba sia siagai nganturat bulat sibulatnia sibara ka Taikamanua.
4 Aipoí sangamberinia sibaraakenen Taikamanua, sarat simaerú lé. Oto tá anai beri sara oniakenen takei-kei itukom, ké atusilóan nia ka surat baga, ka tubut Taikamanua.
5 Aipoí panukanan sibara ka Taikamanua sambat paniddogat ibabailiuaké, komen néné momoi itukom.
6 Ké nugalaiaké sangamberinia néné ka tubudda sasaraina sikeré tonem baga ka tubut Kristus, bailiunangan ekeu sipugagalai galajet Kristus bulat sipulelelek. Riu-riu nuparimanuaaké tiboiet Taikamanua sikatonemitta, samba ngantoman bulat sibulatnia situt'akenennu ka burúnia néné.
7 Bá aarepi pungu-nguan sitá galai. Tápoi ubui lé tubum musurú ka Taikamanua.
8 Tá maigi uktukta masilati tubu, tápoi latian siorak ka puketsanan geti, maigi katukaunannia. Aipoí ka bagania, ai patonekat Taikamanua siorak ka puririmanuatta kineneiget, sambat siorak ka puririmanuatta ka gogoi sibabara.
9 Bulat sibulatnia te patonekat néné. Oto bulat buítá tasiló kam nia, samba buítá takatonemi kam nia bulat sibara ka muinet paatuatta.
10 Iaté lulunia tapeperjuang'aké samba tamomomoaké kam tubutta mugalai, ai lé poí bulat takakatonemi kam nia baga Taikamanua, iaté Taikamanua sipuririmanua, Sipaarau sangamberi sirimanua, sarapeite sia simatonem baga.
11 Oto ngantruakéan sangamberinia néné, samba kua ka matadda, rareddet nia.
12 Buí rabara sipuarak ekeu sapaamian, kalulut raitsó bau tubum peilé. Tápoi kau lé ibailiu ekeu uluietda sangamberi simatonem baga, iaté ka titiboatnu samba ka paraboatnu, ka galai punununtut bagam ka pasasamba saalei sirimanua, samba ka putotonem bagam ka tubut Jesus Kristus, samba ka puririmanuam simaliná.
13 Oto pangenan kuoi, kutiddou buítá nubatsaaké bulat sipulelelek Buko Sipunenan, ka tubudda sirimanua, masitubbui samba masingantru sia.
14 Buí nuoreaké nupakei panguruat sibara ka Ketsat Sipunenan, siaké ka tubum, sibara ka siutéaké paamian, ka tetret arasukat'aké ekeu, samba leú et patonekat Taikamanua sisesegé ka tubum, sibara ka tai nabi, masikua pagalaiat tubum.
15 Bulat kau sibulatnia sibara ka muinet paatuatnu, nugalaiaké sangamberinia néné, bulé raigbuk nia sangamberi sirimanua, kamajuannu.
16 Bulat kau nujago tubum, samba nganturatnu. Buítá numatopit masigalaiaké sangamberinia néné. Oto ké kisedda baí nugalai, oi nurop'aké tá sarat tubum, tápoi sambat sia leú sipasiaarep ngantomannu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA