Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tapi torang do ihatahon Tonduy in, paboa bani panorang parpudi adong ma deba na marbalik humbani haporsayaon in, marhitei na mambalosi tonduy sipangoto-otoi ampa podah-podah ni sibolis,
2 marhitei hasipahulahkulahon ni sihatahon ladung, na pinapaan ni panggora ni uhurni,
3 ilarang sidea do marhajabuan anjaha iparentahkon mangorom sipanganon, na jinadihon ni Naibata, na patut sijaloon ni halak na porsaya ampa na dob mananda hasintongan in namin marhasoman tarima kasih.
4 Ai sagala na jinadihon ni Naibata dear do ai anjaha seng pantang, anggo marhasoman tarima kasih najalo ai,
5 halani gabe pansing do ai marhitei hata ni Naibata ampa tonggo.
6 Anggo in ipodahkon ham bani sanina in, juakjuak na madear ma ham bani Kristus Jesus, manggoluh humbani hata haporsayaon ampa humbani pangajaran na madear, na niirikkonmin.
7 Turi-turian na so margagan, na hinarosuhkon ni naboru-naboru na matua, tulakkon ma ai. Pasomal-somal ma dirimu mangkorjahon hadaulaton.
8 Ai otik do guna ni latihan badan, tapi hubani haganup do marguna hadaulaton in, ai hagoluhan sisonari ampa simagira iparbagah.
9 Hatengeran do hata in, anjaha talup jaloon ni haganup jolma.
10 Ai do ase loja hita anjaha maruntol, halani mangarap hita bani Naibata na manggoluh in, Sipaluah bani haganup jolma, tarlobih bani na porsaya.
11 In ma titahkon anjaha ajarhon!
12 Ulang ma adong na marmapas ni uhur bam halani haposoonmu, tapi gabe siusihan ma ham bani na porsaya, ibagas hata, parlahou, holong ni uhur, haporsayaon age hapormanon.
13 Nunuti ma mambasa surat na mapansing in, mamodahi ampa mangajari paima roh ahu.
14 Ulang ma hampung uhurmu pasal sibere-bere idop ni uhur na adong bam in, na pinadas hu bam marhitei panjahaion ampa na manampeihon tangan marhitei sintua-sintua.
15 Dalankon ma in anjaha parlahouhon, ase talar hasurunganmu bani ganup halak.
16 Jaga ma ham bani dirimu ampa bani pangajaran in, totap ma ham ibagas in, ai anggo ihorjahon ham in, na paluahkon dirimu do ham ijin sonai age na manangihon ham.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA