Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Tangkas ikataken Kesah Dibata maka lit pagin piga-piga kalak si lanai tek man Jesus Kristus. Patuh ia man kesah-kesah si erbual janah iikutkenna pengajaren setan-setan.

² Pengajaren-pengajaren e rehna i bas kalak si nipu nari, e me kalak perbual si nggo batu-batun pusuh peratenna, tempa-tempa nggo itutung alu besi si merara.

³ Kalak si bage, iajarkenna maka la banci kita erjabu, bage pe la banci sipan piga-piga erbage pangan. Tapi Dibata ngelitken pangan e kerina guna ipan kalak si erkiniteken man Kristus, si meteh kai si benar, kenca ertoto ngataken bujur man Dibata.

⁴ Kerina si nggo ijadiken Dibata e mehuli nge. Sada pe labo man pantangenken. Tapi alokenlah kerina alu ngataken bujur man Dibata,

⁵ sabap Kata Dibata ras pertoton njadikenca mehuli pangan e i lebe-lebe Dibata.

⁶ Adi iturikenndu pedah-pedah enda man senina-seninananta si nggo tek man Jesus Kristus, kam jadi suruh-SuruhenNa si mehuli. Pegegehilah pertendinndu alu kata Dibata si iteki kita, ras alu ajaren-ajaren si benar si ikutkenndu alu tutus kidekah enda.

⁷ Sirangilah turi-turin si la tuhu si la erguna. Biasakenlah dirindu nggeluh bagi si ngena ate Dibata.

⁸ Latihen gerak badan lit piga-piga gunana, tapi latihen pertendin erguna i bas kai pe, sabap latihen pertendin e njamin geluhta subuk si genduari bage pe si pagin.

⁹ Kata enda tuhu janah arus kita tek dingen sialoken alu bulat ukur.

¹⁰ Erdandanken si e kita arus erbebe dingen erdahin. Sabap man Dibata si nggeluh saja ngenca kita erpengarapen, e me Dibata si nggo jadi Si Engkelini kerina manusia, terlebih-lebih Si Engkelini kalak si tek man BaNa.

¹¹ Suruh dingen ajarkenlah si enda.

¹² Ula kal pelepas ise pe mapas man bandu erkiteken kam nguda denga. Tapi jadilah kam man usihen kalak si tek, subuk i bas pengeranandu, i bas lagu langkahndu, i bas kam nehken keleng ate, i bas kinitekenndu bage pe i bas ukurndu bujur.

¹³ Pakekenlah paksa si lit guna ngogeken Pustaka Si Badia man perpulungen seh aku reh pagi. Iah-iahi janah ajari kalak e.

¹⁴ Ula sia-siaken pemere si isehken Dibata man bandu asum nabi-nabi ernubuat dingen asum pertua-pertua nangkuhken kam.

¹⁵ Dalankenlah si enda kerina alu tutus, gelah kerina kalak ngidah kemajunndu.

¹⁶ Jagalah dirindu ras kai si iajarkenndu. Tetaplah dalanken si enda sabap i bas kam ndahiken dahin e iselamatkenndu me dirindu bage pe kalak si deban si megiken kam.

1 Timotius

Video 1 Timotius 4

Ikuti Kami:

KONTAK | PARTISIPASI | DONASI