Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Roh Meligan pangeh ngegala' kareb kekipedneh inan tuda'-tuda' lemulun luk miak meraruh ratnan anu, ngaceku ideh maya' roh-roh luk mebalih idi bada' ada' pana'.
2 Bada' ini macing ratnan saluk lun mebalih luk bang teruayen niatdeh pangeh iseb ku belawan luk melau'.
3 Ideh mebpeng lemulun na ngaweh, idi mebpeng na kuman tuda'-tuda' akan. Iamo' akan ineh inau' Allah pad miak kenen lemulun luk manu idi luk kali' ratnan luk matu, dengan maré ubur.
4 Amung-amung pudut Allah ineh do', idi sebuleng pana' na miak talan, kudeng amung ineh lapen dengan ubur,
5 ngaceku ineh linigan ku bala Allah idi ku sembayang.
6 Kudeng bala ini badénmu kuan kinanak-kinanak tau, kali' rungen iko mangun ku demulun luk do' kuan Keristus Yésus, luk bida' bang bada' anu idi dengan amung-amung bada' luk do' luk pangeh binaya'mu dengan lutep.
7 Ngado bururmu ratnan bala luk mo'-mo' luk mepad kudeng luk belén decur-decur remerar ineh. Do' iko sibada' mepicet maya'.
8 Ngaceku ngalap tueh burur ineh sesuut ulekneh, iamo' baya' ineh inan ulek bang luk amung-amung, ngaceku inan bang neneh pejani' ulun luk nekini idi luk miak macing.
9 Bala ini matu idi petulu tu-tu miak lapen.
10 Ini punneh tau merur idi metueh ngakem ngaceku tau merapet tu-tu inan Allah luk mulun, luk mangun ku Lun Nengulun amung-amung lemulun, meluun teh amung-amung lemulun luk manu.
11 Ngegala' idi mada' amung-amung bala ineh.
12 Aleg nima' seburur pana' ngebeneh namu ngaceku iko mangud, iamo' do' iko mangun ku aceh luk pinginud luk nudin idi luk do' kuan amung-amung lemulun luk manu, do' ratnan gayammu idi ulunmu, do awa idi anu idi ligan teh.
13 Do' iko lutep ratnan maca' Surat Allah, mada', idi ngayud nelun sidang pad ui macing.
14 Aleg iko mekelupan baré luk ratnan Roh luk bang namu, luk pangeh biré kuanmu dengan bala luk ratnan Roh, kareb ticu' amung-amung lun rayeh sidang pangeh rireng luunmu.
15 Do' iko makai amung-amung baré ineh, idi maré bururmu kuan kekamen ineh, pad megala' kuan amung-amung lemulun ratnan iko metaduk.
16 Ngerawé do'-do' ratnan bururmu sebuleng idi ratnan bada'mu. Do' iko lutep bang amung ini, ngaceku dengan kekamen luk kudeng ini iko miak uen ngulun, do' bururmu sebuleng idi lemulun luk ninger namu pana'.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA