Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 'O Ngomasa 'Itebi-tebini 'inasimaigoungokau 'ato dua 'o 'orasi nanga bionika, 'o nyawa munuka koyongakuwau ma Kristusika de yomadidumu. 'Ona yamoteke 'o ngomasa gee 'isiliba-liba, de yodomoteke 'o tokata ma do-dotoko
2 gee yositotara, ma ngekomo 'o nyawa yoma'uca-'uca yoeluku. 'O nyawa go'ona manga singina 'itarusokau.
3 'Ona koyosidabiwa 'o nyawa yongaamoko, de yongose 'ato naga 'o 'inomo munuka koidadiwa pa'odomo. Momongo 'o 'inomo ma Jo'oungu ma Dutu wosidadiku ma ngale pa'odomo. De 'o nyawa gee yongaku-ngaku ma Kristusika, de yanako-nakokau 'o do-dotoko 'iti-tiai, ge'ena salingou gee ya'odomo 'ena kayo'ale-'alele ma Jo'oungu ma Dutuka.
4 'Okia sonaa moi-moi gee ma Jo'oungu ma Dutu wadiaiku ge'ena 'iodumu kayaowa, de ka 'o ngai moi ma koi'iwa posironga koidadiwa pa'odomo, nako pomadegesekau de nanga 'amalaha ma Jo'oungu ma Dutuka.
5 Sababu 'o barakati ma Jo'oungu ma Dutuno de posilahidoa 'o 'inomo, ge'ena koi'iwa ma bo-bosono.
6 Nako ge'ena 'iodumu nosidotoko nanga 'esa moika gee ka 'o ngo-ngaku moi, ge'ena dua nodadi ma Kristus Yesus wi ro-riwo yaowa-owa. De ngona 'asa kaitaurika nosikuata 'ani singina de ma Jo'oungu ma Dutu 'awi demo-demo gee ngone pangaku-ngaku, de 'o do-dotoko 'iti-tiai gee sigado ne'ena ngona namote-moteke.
7 Salingou nomasikurutu 'o jarita gee ma faedaa koi'iwa-'iwa. De salingou nomasibiasa ni 'ahu yaowa.
8 Posibiasa nanga roese palati la 'ikuata, ma faedaa koiamokuwa. Ma pomasibiasa po'ahu de ma Jo'oungu ma Dutu ge'ena ma faedaa 'iamoko, sababu ge'enaka dau 'o jaji ma ngale 'o 'ahu ma 'orasi ne'ena de ma du'uruoka.
9 Ma hali ge'ena ma goungu de yadaene pamoteke de pangaku de nanga singina ma gou-goungu.
10 Ge'enau so ngone pomariwo pomanarama posigou-gounguku, sababu ngone ma gou-goungu pomasinganono duga ka ma Jo'oungu ma Dutuka gee wowango-wango. 'Unau ge'ena 'o nyawa 'iodumu nanga Ro-riwo Wonasilaha-laha, 'ifoloiosi gee pongaku-ngaku.
11 Nosidotoko 'o nyawaka ge'ena 'iodumu, de salingou nakisibabata la yodomoteke.
12 Ngona ka 'o dogu'uruosi so 'uwa sigado konisikiamoiwa sababu ngona ka 'o nyawa ma gookasi. Ma 'ena salingou ngona nodadi 'o kasinaa 'o nyawa yongaku-ngakuka; naga 'ani demo-demoka, 'ani 'ahuoka, kokia nakidora 'o nyawa-nyawaka, ni ngo-ngakuoka ma Yesus Kristusika de 'ani 'ahu 'itebi-tebinoka.
13 Ne'enau sigado dua ngoi toboa, salingou kaitaurika ma Jo'oungu ma Dutu wi buku nakidabaca 'o nyawa-nyawaka, de nakibabata de mita nakidotoko.
14 'Uwa konakalesanguwa 'o co-catu gee 'o Ngomasa 'Itebi-tebini nikulakau ma 'orasi 'o jamati ma balu-balusu manga giama ni saeuku yodatami de gee 'o jamatioka 'ona yositotara ma Jo'oungu ma Dutu 'awi besesongo ma ngale ngona.
15 Ge'ena 'iodumu namanarama nosigou-gounguku la 'o nyawa yamake 'ato kaifoloi monga nomasisori de ma Jo'oungu ma Dutu.
16 Nomasitiarika de naka'eli nosidi-diai 'ani do-dotoko. Salingou notongosono de nomasiga-gao ge'enaka. Sababu de ge'enau, ngona 'asa namake 'o laha. De 'o nyawa gee yosigise-gisene ngonaka mita 'asa yamake 'o laha.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA