Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 No Iw̃a'õ sibai Eheha Lowalangi, wa ba ginõtõ si so fõna dania, so õsa niha si lõ molo'õ, sangosilõ'õgõ Keriso. La'o'õ dania geheha samaelungu awõ wamahaõ geheha si lõ sõkhi,
2 nifa'ema niha samini tõdõ ba solau faya. No ogõmigõmi dõdõ ndra niha da'õ.
3 Lafahaõ niha ba wa lõ mangowalu ba ba wa lõ manga fefu ngawalõ gõ. Ba sindruhunia õ da'õ ni'a'asogõ Lowalangi ena'õ la'a ba la'andrõ saohagõlõ khõ Lowalangi niha si no mamati khõ Keriso, ba si no mangila famahaõ soroi Lowalangi.
4 Fefu hadia ia niwõwõi Lowalangi ba no si sõkhi, ba ma'ifu lõ hadõi salakha, na mutema'õ si fao fangandrõ saohagõlõ khõ-Nia.
5 Howuhowu Lowalangi ba fangandrõ, da'õ zombali'õ ngawalõ gõ andrõ oi si sõkhi, lõ salakha.
6 Na õfahaõ fefu da'õ ba dalifusõ samati, ba tobali ndra'ugõ dania enoni Yesu Keriso sohalõw̃õ si sõkhi. Ba õtohugõ wolõlõ tõdõmõ ba Daroma li Lowalangi nifaduhusida tõdõ, ba ba wamahaõ sindruhu si no õ'o'õ sagõtõ da'e.
7 Arõu'õ nidunõdunõ si lõ boto ba si lõ sõkhi. Fahaõ ndra'ugõ ba lala wa'auri si faudu ba wasumangeta khõ Lowalangi.
8 Famamaha boto, ha ma'ifu gunania, ba famamaha ba wa'auri ba wamati moguna manõ ba ngawalõ hadia ia fefu; me ibe'e wangaro dõdõ ba wa'aurida ba gulidanõ andre ba ba gamozua dania.
9 Da'e zinangea tatema ba tefaduhusi tõdõ sindruhundruhu.
10 Da'õ mbõrõ wa fasõndra ndra'aga ba maforege wohalõw̃õ, bõrõ me manõtõna ita sindruhundruhu khõ Lowalangi sauri; Ya'ia zangorifi fefu niha, si ofõna sibai niha samati.
11 Õfahaõ da'õ ba õ'o'ou niha wolo'õ ya'ia.
12 Bõi tehegõ so zamõsa zanguma'õ tõdõnia ide'ide ndra'ugõ, me awuyu nasa ndra'ugõ. Hiza i, ba wahuohuosamõ, amuatamõ, fa'omasimõ, famatimõ ba fa'ohauhau wa'aurimõ, ya tobali dumaduma ndra'ugõ ba niha samati.
13 Gasagasa da'õ ua, irege so ndra'odo dania, lõ tola lõ õ'odõdõgõ wombaso Buku Ni'amoni'õ ba niha, ba wamarou tõdõ awõ wamahaõ ya'ira.
14 Bõi si lõ ba dõdõ ndra'ugõ wangoguna'õ buala soroi Geheha Lowalangi nitemau me luo latufa tangara hõgõu satua mbanua Niha Keriso andrõ, me lafa'ema goroisa Lowalangi andrõ ira sama'ele'õ sanandrõsa ba khõmõ.
15 Ohalõw̃õgõigõ fefu da'õ moroi si'aikõ ba dõdõ, ena'õ fa'atedoumõ la'ila niha fefu.
16 Bõi mamalõ sekhegõ wa'aurimõ awõ wamaha'õmõ. Bõi farõi ndra'ugõ wamalua da'õ fefu, me ba zi manõ no õ'orifi ndra'ugõ ba he gõi niha samondrongo khõu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA