Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ma gou-goungu 'itiai 'o demo ne'ena: "'O nyawa gee yomau yodadi 'o jamati yosilega-lega, ge'ena yoduaka 'o manarama moi 'iba-baraguna."

² 'O jamati yosilega-lega ge'ena salingou gee 'o nyawa koyakigi-gi'isenuwa 'o dorou yodiai, de manga wekata ka 'o ngai moioka; yomasiti-tiari, yobarija, manga 'aturu 'isure, salingou yoduaka manga woa ma gikiri yakidawongo manga woaka, de yobarija 'o nyawaka yodotoko.

³ 'Uwa yakitaba'eto bolo 'o gadutuku yodua-duaka. 'Ena salingou manga singina 'ima'ai de yoduaka 'isa-sanangi. Koidadiwa 'o pipi yodo-dopokana.

⁴ Salingou yanako ya'aturu manga woa ma dodaku, de manga ngowa-ngowaka yadotoko la yaki'isene de yakihoromati.

⁵ Sababu 'o nyawa nako koya'akunuwa ya'aturu to 'ona ma sirete manga woa ma dodaku, kokia 'ona 'idadi ya'aturu ma Jo'oungu ma Dutu 'awi jamati?

⁶ 'O jamati yosilega-lega ge'ena salingou 'uwa gee 'asa kaikurue yongaku, sababu dua yomaie de 'o gorosau yamake 'isoka ma sira 'o Tokata ma Koana.

⁷ 'Ona salingou manga ronga yaowa 'o kawasaka, sababu nako ko'uwa ge'ena dua 'o nyawa yakisiti-tingoono de 'o Tokata ma Koana kayakilegonika.

⁸ Koge'enali mita 'o jamatioka yoriwo-riwo ge'ena salingou manga singina 'isure-sure de yoloa-loa; koyodo-dopokanuwa 'o pipi de koyoduakuwa 'o 'anggur yo'okere kayomasibobusau.

⁹ 'Ona salingou de manga singina 'itebi-tebini yamasiga-gao ma gou-goungu 'o nyawa yongaku-ngaku manga do-dotoika gee ma Jo'oungu ma Dutu wosidumutokau.

¹⁰ Salingou 'isira yakitailokasi, la nako manga ronga koitorouwa, 'asa deika 'idadi yoleleani 'o jamatika.

¹¹ To 'ona manga wekata mita salingou manga 'ahu 'isure-sure, koidadiwa yosigu-gurubungu. Salingou yotahani, de 'idadi 'o nyawa yakingaku 'o sagala moi-moioka.

¹² 'O jamati yariwo-riwo ge'ena salingou manga wekata ka 'o ngai moioka. 'Ona salingou yakileleani yaowa manga ngowa-ngowaka de manga woa ma dodaku.

¹³ 'O nyawa gee yoleleani yaowa 'o jamatika, ge'ena 'asa yakihoromati de 'ifoloiosi yomoroini yobicara ma ngale to 'ona manga ngo-ngaku ma Kristusika.

¹⁴ Ngoi tomau koito'ingowa de taika ngonaka. Ngaro koge'ena ma tonidusuratiosi,

¹⁵ la kogee katoto'ingonikia ma ngona nanakokau ma Jo'oungu ma Dutu 'awi ngowa-ngowaka ge'ena salingou kokia po'ahu. Ma Jo'oungu ma Dutu 'awi ngowa-ngowaka ge'ena la ma Jo'oungu ma Dutu wowango-wango 'awi jamati, 'o do-dotoko 'iti-tiai ma guata.

¹⁶ Nanga ngo-ngaku 'itebi-tebini gee nanga di-dibangi koya'adonikawa, ma ne'ena 'iwaitokau ge'ena la: 'Una womadadi 'o nyawa de 'o nyawa wimake, 'o Ngomasa 'Itebi-tebini 'isidumutu 'ato 'una wi singina 'itiai; 'o mala'ekati wimake. Ma habari ma ngale 'una ge'ena 'isidagi 'o duniaka; de 'una 'o nyawa 'o duniaka wingaku; de wisidoa 'o sorogaade.

1 Timotius

Video 1 Timotius 3

Ikuti Kami:

KONTAK | PARTISIPASI | DONASI