Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bulat sineseatnia te tiboiet néné, sipasikukua kisé: "Sikiddiy muuté ka paamian, iaté masikiddiy galajet simaerú."
2 Siripokatnia sia sauté ka paamian, buítá sitá kuat tubu ka sikataí sarat sara sinanalepnia lepá, iagai ipaom bagania, simasiku paatuat, makolou puririmanuania, iobá masirauma tairauma ka lalepnia, samba iobá masipangantru sirimanua.
3 buí simapuinengen kalulut pulolónia ló simapuinengen, elé siobá palabá. Tápoi buítá simaleppe baga lé, siobá paaban. Tá maalau bagania ka bulagat.
4 Buítá siagai masipasikeli pulalalepnia sipulelelek, samba siagai masipangantru tatogania, bulé ramareddet ka nga-ngania samba bulé ramahormat ka tubunia.
5 Aipoí ké beringan pulalalepnia tá iagai ipagaba nia, kipangan lé iooi ipasikeli tatogat paamian?
6 Ialeú et sia kaunen masiutéaké paamian, buí iapeí aitugurú ka arat Kariten, mabubuak paatuatnia, babara ioorak nia pateleiat Taikamanua, kelé ka Sanitu siburú.
7 Buítá maerú kuat tubunia ka talagat siberikabaga. Aipoí ké tá kisedda galai tubunia, paloloirangan leú et nia sirimanua, bailiu alánangan nia seseret Sanitu.
8 Kisedda leú et tai bajá gareja, buítá sirimanua simaerú paraboat samba simaroipo baga; sitaimaalau baga ka bulagat, sitaimasosot muló, ló simapuinengen.
9 Buítá mariu-riu raomet'aké bulat sibara ka agai bagadda simaliná tiboiet putoneman bagadda tai Kariten sipatoilat Taikamanua ka tubudda.
10 Buítá tuuji sia boikí; oto ké tá anai kuat tubudda ka sikataí, iapeité ioi rapubajá gareja ka paamian.
11 Sinanalepra leú et, buítá simaerú paraboat, tá siobá masipabara nga-nga. Buítá raagai rapaom bagadda samba matopit sia ka sangamberinia.
12 Tai bajá gareja ka sia leú et, bulé sarat sara lé sinanalepra lepá. Buítá iagai masipagaba puririmanuanda tatogania samba masipasikeli pulalalepnia, simakolou.
13 Sia sipasirorop sipulelelek ka paamian, rahohormati sia sapaamian. Ialeú et memei magegege sia masitiboi pagalaiat putotonem bagadda ka tubut Kristus.
14 Bulat ké pei táan mauju kuoi kubalou kam. Tápoi kenanen kisedda, eddangannia kugalai surat néné ka kam.
15 Bulé makaburú kuoi, anuagaian kam, kipa muparaboat simaerú, siripot puririmanuatta sipuoni sikauman Taikamanua, iaté sapaamian Taikamanua sipuririmanua. Aipoí sapaamian néné te, bulat arigi sipasiririóaké elé sipasisosopo nganturat puaranan bulat sibulatnia, sibara ka Taikamanua.
16 Beri sia sara siputatá kipa kopet pubebeunannia keleat ka aratta néné. Iapatoilá tubunia kelé mutubu sirimanua, aisineseat'akéan nia Ketsat Sipunenan, samba araigbuk'an nia samalaika. Atupaarep'an katuaremannia ka tai bangsa ka polak néné, matonem bagadda sirimanua ka sangaliot polak ka tubunia, lepá akkat'akénangan nia Taikamanua, ka manua.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA