Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sindruhu wehede andre, "Dozi niha somasi halõw̃õ fa'a'enoni ba mbanua Niha Keriso, no somasi halõw̃õ si sõkhi da'õ."
2 Satua Niha Keriso andrõ, ena'õ si lõ sinegu, si ha sambua donga, si tola manaha tõdõ, otõdõ, ba si tofõfõ lala wa'auri; omasi ia wanema'õ tome ba nomonia, ba si tola mamahaõ niha sato,
3 bõi niha si mabumabu, ba ma somasi fasõndra. Hiza i, lõ tola lõ niha sohauhau ba somasi fa'atulõ. Tenga niha sangisõ kefe.
4 Lõ tola lõ i'ila ihaogõ wamatõrõ soroiyomonia ba zi sõkhi, ifahaõ ndraononia ba wolo'õ awõ ba wamosumange ya'ia.
5 Na lõ i'ila ihaogõ zoroiyomonia niha, ba hewisa tola ihaogõ wamatõrõ banua Lowalangi?
6 Satua Niha Keriso, tebai niha si bohou tobali Niha Keriso, fayaw̃a dania ia, ba si gõna fanguhuku si mane Afõkha fõna ia dania.
7 Lõ tola lõ niha si sõkhi turia ia bakha ba mbanua; bõrõ na tenga si manõ, ba latandraw̃aisi dania ia niha, irege aekhu ia bakha ba gu'õ Gafõkha.
8 Ya'ira solului bakha ba mbanua Niha Keriso ba lõ tola lõ gõi si sõkhi ba satulõ; tenga sogoya mamadu agu ba ma sangisõ ba gefe.
9 Lõ tola lõ lagogohe sindruhundruhu wamahaõ ba wamati Niha Keriso andrõ si no Iforoma'õ Lowalangi si fao tõdõ sadõlõ.
10 Latandraigõ ira ua, ba na oroma lõ hadia sinegu khõra, awena tola tobali ira solului bakha ba mbanua Niha Keriso.
11 Fo'omora ira alawe gõi lõ tola lõ niha si sõkhi, tenga niha somasi mamadunõdunõ si lõ atulõ. Lõ tola lõ la'ila lataha dõdõra ba adõlõ dõdõ ba ngawalõ hadia ia.
12 Solului ba mbanua Niha Keriso lõ tola lõ ha samõsa ndrongania. Lõ tola lõ i'ila ihaogõ ndraononia ba soroiyomonia ba zi sõkhi.
13 Sohalõw̃õ si sõkhi ba mbanua Niha Keriso, ba nifosumange ba tobali itugu lõ aiw̃õ fahuhuo ba niha, sanandrõsa ba wamatira khõ Keriso.
14 Udõnadõna wa lõ aratõ u'ondrasi ndra'ugõ. Ba hew̃a'ae si manõ, usura manõ zura andre khõu,
15 ena'õ na ahou so ndra'odo, no aboto ba dõdõu hewisa ita wango'aurifagõ fa'auri si mane soroiyomo Lowalangi, ya'ia mbanua Lowalangi andrõ sauri. Banua Niha Keriso andre zi no amaedola ehomo sanuwu ba sanga'aro'õ famahaõ soroi Lowalangi.
16 Samõsa lõ si tola mangosilõ'õgõ si tobini ba agamada andrõ: No Ifa'ele'õ Ia Keriso ba nga'eu niha, ba no mutandra wa'aduhu-Nia ba Geheha Lowalangi, awõ wa no lafaduhu'õ ira mala'ika. Fefu soi si lõ saboto ba dõdõ Lowalangi no larongo duria-Nia, ba õsi gulidanõ no faduhu dõdõ khõ-Nia, iada'e no tefazaw̃a Ia ba zorugo.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA