Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Totu'ubií in singog tana'a: "Intau inta mo'ibog mobalií itoi kon jama'at, yo sia tua mo'ibog in oaíidan inta totok im mopia."
2 Tuamai intau inta mobalií itoi kon jama'at im mustibií intau inta motulid ing gina, tongaí tobatuí ing ki buḷoinya, mokokawasa kon ibog ing gina, mobijaksana, mopia in oaíid, mo'ibog motuḷung kom bayongan intau bo mota'au motunduí kon inta mopia kon intau ibanea;
3 dona'aibií in intau inta umuran moḷoḷangu, ande intau inta mo'ibo-ibog moropatoi, ta'e intaubií inta moaḷus in dodia bo pososingognya bo inta mo'ibog doman in dodamean, bo diaí dinoit.
4 Sia musti mota'au monompia kon tombonu im baḷoinya, mota'au modidik ko'i adiínya mita simbaí motoindudui bo mohormat ko'inia.
5 Sin aka intau tatua diaí mota'au monompia kon tombonu im baḷoinya tontanií, yo naíondabií in sia monompia kon jama'at i Allah?
6 Intau inta mobalií itoi kon jama'at, in de'emanbií intau inta bagu nopirisaya ko'i Kristus, sin dikabo mobalií in sia mokaḷakuang, sahingga ing kutukon naí Ibilis kolipod.
7 Musti mopia in tangoinya kon tayowon intau mobayong sin aka diaí mopia yo singkuleonbií im bayongan intau sahingga ing kokawasa'andon in Ibilis in sia.
8 Natua doman im mobobantung mita in jama'at, mustibií im mosia intau inta mopia bo mojujur; diaí dinoit bo diaí umuran monginum kon inta mokoḷoḷangu.
9 Takin gina modarit bo motulid mosia musti umuran kumadai kon totunduí inta pinirisaya in intau Keresten inta aim pinonyata i Allah.
10 Munapa ujion im mosia tua. Aka kota'auandon kom motulidbií ing gina monia, bain tua bo mota'au im mosia mobantung kon jama'at.
11 Naí doman tua, ki buḷoi monia bobay mustibií intau mopia de'emanbií intau inta maya-mayak makow mongonguman kon uboḷ. Mosia mustibií intau inta mokokotahang kom bibig bo mota'au doman pirisaya'anmai kom bayongan yagi-yagi.
12 Intau inta mobalií mobobantung kon jama'at, mustibií tongaí tobatuí ing ki buḷoinya bo musti doman mota'au modidik ko'i adiínya mita bo mopia monompia kong kobobiag in tombonu im baḷoinya.
13 Intau mita inta mopia im pobobantung monia kon jama'at, hormatonbií bo mobaranidon totok mongonguman kom pirisaya monia ko'i Kristus Yesus.
14 Igumonku makow tua, diaídon mo'onggot in aku'oi bo mayak mokipodungkuḷ ko'inimu. Umpakahbií natua, ta'e aku'oi nomaispabií kon surat tana'a ko'inimu,
15 simbaí aka aku'oi diaípa ḷagi mo'iangoi, yo kota'auanmudon naonda ing kobobiag naton saḷaku ki adií mita i Allah, mangalenya kon na'a jama'at i Allah inta nobiag. Jama'at tana'a inta nobalií oigi pinonulid bo dumodudui kon totunduí inta totu'u nongkon i Allah.
16 Diaíbií tobatuímai mota'au momayow, kom moḷobenbií totok onu inta no'ibunipa kon agama naton na'a: Sia namangoi in dunia na'a sinumon rupa intau, bo inakubií in Roho i Allah, bo inontong im malaekat mita. Habarnya pinowayadon kon sigad im bayongan bangusa, bo Sia pinirisaya im bayongan intau kon dunia na'a poḷat sinintak namonik in soroga.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA