Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Muyuh sebuleng kali', O kinanak-kinanakku, na kai macing nemuyuh mo'-mo'.
2 Muyuh kali' kudeng apeh kai nedereh idi nurat déi' Pilipi atun, kareb nateh kai iné' nemuyuh déi' Tesalonika. Iamo' Allah tau nemaré kuu' kuan kai pad kai mada' Bala luk Do' luk macing rat Neneh, kuan muyuh, sagan pana' mula' bunu'.
3 Idi bala kai nemuyuh baken ratnan luk ngeraruh, idi baken ratnan luk melutak, idi baken dengan saluk.
4 Iamo' kai megéi' pebala maya' pian Allah ngaceku Ieh nemili' nekai idi nemaré Bala luk Do ini kuan kai. Na kai nutun ngawang niat lemulun, iamo' kai pian ngawang niat Allah luk nutun niat tau.
5 Muyuh kali' kai na nemakai bala luk mepaci', idi na kai siayu pad ngelinged lili. Allah teh miak mangun ku luk nekali' ratnan ineh.
6 Na kai nenakap rayeh ratnan lemulun, do' rat nemuyuh idi rat nelun baken pana',
7 sagan pana' kai miak ruen muyuh ngasa', ngaceku kai rasul-rasul Keristus, iamo' kai mebeneh niat arang muyuh mepad kudeng sebuleng tinan ngasa' anak-anakneh sebuleng.
8 Ngaceku awa kai nemuyuh, kai temina' maré babpat kuan muyuh, baken ratnan Bala luk Do' ratnan Allah ineh mo', iamo' ulun kai sebuleng pana'. Ngaceku muyuh luk inan kai mawa.
9 Kali' rungen muyuh ngerawé, O kinanak-kinanakku, ratnan erur idi kél kai. Tebaco kedangan kai nengakem pad kai na maré meberat kuan seburur pana' rat arang muyuh, kareb kai nemada' Bala luk Do' ratnan Allah kuan muyuh.
10 Muyuh mangun ku luk nekali' nekai, idi kudeng ineh teh Allah: ulun kai pa kiung muyuh luk manu ineh do', mesiri, idi na mesala'.
11 Muyuh kali' terawé kai ratnan muyuh mepad kudeng taman dengan anak.
12 Kai nengetueh anu muyuh, kai nengubuk nemuyuh, idi kai nengecuk nemuyuh mulun maya' pian Allah luk nawar nemuyuh semuet bang ImetNeh idi rayehNeh teh.
13 Idi ini punneh kai ini pana' megéi' maré ubur kuan Allah. Kareb kai nemada' bala Allah kuan muyuh, muyuh nengalap bala ineh baken mepad kudeng bala lemulun, iamo' matu mepad kudeng bala Allah. Ngaceku Allah ngakem bang nemuyuh luk manu.
14 O kinanak-kinanakku, muyuh pangeh nekali' susa' mepad kudeng sidang Allah déi' tana' Yudia, ieh ineh susa' pupu Keristus Yésus. Muyuh pangeh pidereh pupu muyuh sebuleng, mepad kudeng ideh teh pidereh lun Yahudi,
15 luk pangeh nengaté Tuhan tau Yésus idi nabi-nabi pana'. Idi kai pana' piderehdeh. Ideh pelaba dat pa kiung Allah. Idi teh ideh sikal metueh ratnan lemulun.
16 Ideh mebpeng nekai na mada' bala luk ngacing ulun kuan lun pupu baken. Lun Yahudi na ugka' nganau' sala'-sala' luk pangeh kikemdeh ineh. Iamo' nekini useh Allah nacing pa luundeh.
17 Iamo' kai ini, O kinanak-kinanakku, kareb kai pangeh pitad rat nemuyuh segageh mo' — baken patad bang terawé, iamo' ratnan burur mo' — kai pelaba terawé nemuyuh. Kai mekél nakap dalan pad kai miak papu' nemuyuh.
18 Ngaceku ineh kai pian lemubed amé' nemuyuh. Ui ini Paulus nenutun lemubed, baken sekua' mo', iamo' Sétan ineh nengesabeng nekai.
19 Idéké luk mangun ku rapet kai, ku awang, idi ku pata dita' kai? Bakenké muyuh pa kiung Tuhan tau Yésus kareb Ieh macing teh?
20 Kali' rungen muyuh mangun ku rayeh idi awang kai!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA