Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ia pasal tumpak na hubani halak na mapansing ai, bahen nasiam ma, songon na dob huaturhon bani kuria Galatia.
2 Siap ari Minggu ma ganup nasiam papuligkon sibar na tarbahensi, anjaha isimpan ma ai, ase lang pala be patumpuhon tumpak rohkonsi ahu.
3 Anjaha rohkonsi ahu, suruhonku ma hasoman na patut ninuhur nasiam, marhasoman surat hu Jerusalem, laho padaskon tumpak idop ni uhur nasiam ai.
4 Tapi anggo hun banggal do, gabe pala dihut ahu misir, rap pakon ahu ma sidea laho.
5 Roh do ahu bani nasiam, dob hudalani Makedonia; ai dalananku do lobei Makedonia,
6 tapi ra soh do ahu bani nasiam, atap pasalpuonku do musim borgoh ai rap pakon nasiam, ase boi taruhkonon nasiam ahu barang huja ahu laho.
7 Ai seng marosuh uhurhu asal tuluy bani nasiam sahali on, tapi arap do uhurhu marianan hun dokah rap pakon nasiam, anggo ilopas Tuhan in.
8 Tapi i Epesus do ahu soh, das ronsi pesta Pentakosta.
9 Ai mungkab do bangku labah na banggal, na marpangkorhon tumang, tapi buei do homa imbang.
10 Tapi anggo roh si Timoteus, jaga nasiam ase ulang mabiar ia i tongah-tongah nasiam. Ai horja ni Tuhan in do ihorjahon, usih songon ahu.
11 Ulang ma adong na mapas bani. Tapi taruhkon nasiam ma ia ibagas damei, ase roh ia marayak ahu, ai hupaima-ima do ia rap pakon sanina in.
12 Tapi anggo saninanta, si Apollos, domma gogoh namin huojur, ase itohu nasiam rap pakon sanina on. Seng ra ope ia sonari, tapi sihol roh do ia, anggo adong panorang na dear bani.
13 Puho ma nasiam, totap ma jongjong ibagas haporsayaon, gopas songon dalahi anjaha margogoh.
14 Dalankon nasiam ma haganup pambahenan nasiam ibagas holong.
15 Ibotoh nasiam do, nasiam sanina, ia si Stepanas ampa keluargani, ai ma limbuah ni nagori Akaya, anjaha iondoskon sidea do dirini marugas bani halak na mapansing in.
16 Huojur ma, ase marunduk ni uhur nasiam bani halak sisonai, age bani haganup halak na dihut marhorja anjaha loja.
17 Malas do uhur hubani parroh ni si Stepanas, si Fortunas ampa si Akaikus; ai sidea do manggoki na lang tarbahen nasiam,
18 ai tarapoh do tonduyhu ibahen sidea, tontu age tonduy nasiam. Harga ma bahen nasiam halak na sonin.
19 Manongos tabi do bani nasiam kuria na i Asia. Manongos tabi na buei do bani nasiam ibagas Tuhan in, si Akila ampa si Priska rap pakon kuria, na martumpu i rumah ni sidea.
20 Das ma tabi ni haganup sanina in bani nasiam. Marsitabian ma nasiam samah nasiam, marhitei summah na mapansing.
21 Ahu, si Paulus, manuratkon hata tabi on marhitei tanganku sandiri.
22 Hona papa ma na so marholong ni uhur bani Tuhan in! Maranata (Na roh ma Tuhanta)!
23 Ihasomani idop ni uhur ni Tuhan Jesus ma nasiam!
24 Ihasomani holong ni uhurhu ma nasiam haganup ibagas Kristus Jesus!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA